Низ целиот свет семејствата се прашуваат како да се поврзат со другите во ова време на изолираност. Желбата да се направи разлика е многу силна, особено кога гледаме дека оваа глобална криза им паѓа потешко на некои луѓе.

Сега повеќе од кога било знаеме дека дејствувањето е подобро чувство од вознемиреноста. Еве како вашето семејство може да сподели добрина, да волонтира, да донира и да учи заедно, дури и ако останете дома заедно за спречување на ширењето на пандемијата.

Направете добрина

– Проверете ги соседите. Можеби им е потребна вашата помош ако се постари и ако не можат да одат да пазарат.

– Почнете „соседски лов“ поставувајќи срциња на влезната врата, мечиња на прозорците или на јавни места. Кога другите семејства одат на (социјално дистанцирана) прошетка, тие можат да ги бараат овие изненадувања.
– Додека шетате, со креда напишете позитивни пораки на тротоарите како: „Во ова сме сите заедно“.
– Заблагодарете им се на возачите на испораки со подарок како средство за дезинфекција на рацете, охрабрувачка порака или дополнителен бакшиш.
– Испратете по пошта белегзии за пријателство за да ги развеселите пријателите и членовите на семејството.
– Поздравете ги секојдневните херои во вашата заедница, од продавачи до медицински работници.
– Споделете ја вашата уметност преку пошта или фотографирајте и споделувајте дигитално. Напишете хаику-песни со пандемска тематика или друга поезија, цртајте, бојте, правете оригами или истражувајте други креативни страсти.

Споделете ги вашите креации со луѓето што имаат потреба од поддршка

– Поставете „Магична поштенска станица“ и поканете ги децата да создадат картички за оние на кои им се најпотребни. Споделете ги вашите креации со постарите лица во изолирани старски домови, вработените во првите борбени редови против овој вирус или некој што го познавате, а знаете дека му треба поддршка.
– Испратете им „Писма на љубов“ на постарите. Мисијата на „Писма на љубов“ е да внесе радост во животите на постарите лица во старските домови.
– Почнете „Весник за баба и дедо“, испраќајќи им на бабите и дедовците тетратки со охрабрувачки пораки преку пошта.
– На интернет има безброј бесплатни примери за боење, загатки, видеокниги, лекции и други извонредни извори за вашите деца.

Волонтирајте

– Почнете да ги споделувате намирниците што ги имате во резерва со соседите и работниците во вашата област.
– Поддржете ја науката за граѓаните учествувајќи во различни научни проекти.
– Станете „iNaturalist“: преземете ја оваа апликација од „Нешнл џиографик“ и Академијата на науките во Калифорнија. Вклучете се во проект кој тие го дефинираат како збир на набљудувања со заедничка цел.
– Регистрирајте се на „Nature’s Notebook: Овој проект на Националната мрежа за фенологија ве поканува да им помогнете на научниците, да ги набљудувате и потоа да ги споделите сезонските промени на растенијата и животните.
– Направете пролетно чистење на дворовите за вашите соседи кои не можат да го направат тоа. Понудете им помош на постарите луѓе во вашето соседство.
– Исчистете го вашето соседство при наредната прошетка. Земете кеси и ракавици и исчистете го отпадот што се акумулирал.
– Удомете животни.

Донирајте

– Почнете со пролетно чистење и донирајте ги облеката, играчките и книгите што не ги користите.
– Направете тегла за донирање и вклучете го вашето дете да учествува во хуманитарни донации.
– Направете градина и производите донирајте ги во локалната кујна за бездомници.
– Направете комплети со активности за донирање храна за засолништата за бездомници.

Застапувајте

– Зборувајте наместо ранливите. Дајте им до знаење на властите дека очекувате тие да ги поддржат бездомниците.
– Потпишете петиции за коригирање на неправдите и поддршка на луѓето што се борат во кризата.

Извор