Одев во средно училиште со дете кое имаше многу строги родители. Неговиот „полициски час“ беше во 21 часот, па тој се искраднуваше од дома за да излезе. Не му беше дозволено да слуша поп-музика, па ги сокри своите цедеа во фиоката за чорапи. Неговиот 10-годишен брат ноќе ги криел играчките под перницата.

Како дете, едноставно чувствував дека неговите родители се неправедни. Сега, додека креирам правила за моите деца, се прашувам дали ги терам на бунт. Дали строгите родители навистина создаваат подмолни деца? Овие 3 работи ќе ве доведат до одговорот.

Поим бр. 1: Поставете си го ова прашање

Ја посетувам веб-страницата „axis.org“, страница која работи на тоа да ги води родителите низ актуелната култура. Тие поставиле прашање кое се однесува на пошироката слика за строгите родители: „Дали одгледувате кријач на гревот или исповедник на гревот?“ Правилата не ги прават децата подмолни повеќе отколку што законите ги принудуваат граѓаните да прават злосторства. Она што ги прави вашите деца подмолни е кога не можат да разговараат со вас затоа што нема да ги слушате, не се обидувате да сочувствувате и нема да ги признаете нивните гледишта. Тие мислат дека мора да бидат подмолни затоа што доаѓањето кај вас е бесмислено или само ќе ве натера да ги стегнете уздите.

Поим 2: Испитајте ја перцепцијата наспроти реалноста

Иако мислите дека сте слободоумни, вашето дете сепак може да рече: „Нема потреба да разговарам со моите родители. Тие никогаш не го прават она што јас го сакам и секогаш ми велат дека ќе разберам кога ќе пораснам.“ Како родители, не треба само да им кажеме на нашите деца дека можат да разговараат со нас за сѐ, туку и да се ставиме на располагање кога тие навистина сакаат да разговараат. Тоа значи забавување, да бидеме дома кога нашите деца се дома и да ги оставиме телефоните настрана. И кога нашите деца ќе споделат грешка или некоја драма со нас, нашата реакција е клучна. Ако згрешиме, можеби никогаш повеќе нема да добиеме можност.

Ако не сте сигурни каде стоите, нема штета да ги прашате синот или ќерката: „Дали мислиш дека можеш сѐ да ми кажеш? „Што те спречува да ми зборуваш за одредени работи?“ Тоа може да биде почеток на разговор што ќе ја промени вашата врска.

Поим бр. 3: Размислете за вашите правила

Правилата треба да бидат одраз на нашата љубов кон нашите деца, а не само начин да практикуваме авторитет. Ако вашите деца немаат време за забава, не ги искусуваат природните последици бидејќи ги имате на прекраток поводник и не им дозволувате да прават избор – можеби е време да се олабавите. Ова е особено точно ако дознаете дека вашето некогаш чесно дете – често лаже.

Автор: Аби Ватс

Извор