Колку е драматичен односот меѓу снаата и свекрва? Истражување од 2020 година покажа дека само 15 отсто од анкетираните свекрви и снаи чувствуваат дека имаат проблематична врска. Повеќе од половина веруваат дека нивната врска е позитивна, додека преостанатите се чувствуваат неутрално.

Тоа е подобрување во однос на истражувањето од 2011 година, во кое 24 отсто од жените изјавиле дека имаат лош или ужасен однос со нивната свекрва. 35 отсто ги опишале како „осудувачки“, и често ги гледаат како нарушувачки (32 отсто), контролирачки (25 отсто) и груби (22 отсто).

– Во многу случаи, свекрвите имаат хармонични односи со снаите, но поголема е веројатноста да слушнете за тензични односи. Многу свекрви не разбираат дека се наметливи. Тие имаат чувство на сопственост над нивните синови и веруваат дека можат да ги изразат своите грижи – вели психологот Барбара Гринберг.

Според Гринберг, најдобриот совет што може да им го даде на свекрвите е да се повлечат од споделување мислења. Предлага и снаите да размислат зошто нивната свекрва нешто кажала или како таа се чувствува, а да не реагираат за неколку секунди.

– Ако како свекрва сакате да дадете совет, прво побарајте дозвола од синот или снаата. На тој начин ги почитувате нивните граници – додава психологот.

Не мора совршено да се согласувате со вашата свекрва или снаа. Запомнете дека на крајот благосостојбата на семејството е најважна.

Извор