Безбедноста на децата во сообраќајот е исклучително важна бидејќи децата се особено ранлива група учесници во сообраќајот. Исто како и сите други, велосипедистите мора да ги почитуваат правилата што им се пропишани во сообраќајот за да стигнат од точка А до точка Б што е можно побезбедно. Видеото од возењето на петгодишен велосипедист предизвика жестока дебата меѓу корисниците на „Твитер“, но и меѓу англискиот водител Џереми Вајн и поранешниот британски министер за здравство Саџид Џавид.
Имено, на видеото објавено на „Твитер“ се гледа како момче вози велосипед на улица во Кингстон, југозападен Лондон.
Од другата страна доаѓа автомобил и поминува во близина на момчето, на што родителот, кој го снима синот одзади, го критикува возачот дека не застанал. Англискиот водител Џереми Вајн, познат љубител и застапник на велосипедизмот, го нападна возачот на „Твитер“, што предизвика жестока дебата меѓу корисниците, а главното прашање е кој навистина е виновен – момчето или возачот на автомобилот.
„Таткото на петгодишното дете е виновен“, одговори поранешниот министер Џавид. За инцидентот се огласи и таткото кој го снимил синот.
„Како можеме да очекуваме родителите да ги пуштат своите деца да возат велосипед до училиште ако соседите вака ги возат своите автомобили?“, напишал и додал дека неговиот син има пет години, а инцидентот се случил на околу сто метри од неговата куќа.
Take a look at this video of a five-year-old cycling to school. He's being recorded by his dad behind.
— Jeremy Vine On 5 (@JeremyVineOn5) November 8, 2022
Look at how close this car approaches the child.
Who is in the wrong?
Is it the five-year old, or is it the driver of the Ford?
Let us know what you think. pic.twitter.com/Q0uMEQVTRI
„Така се случува кога не обезбедувате безбедна велосипедска инфраструктура околу училиштата или на патот кон училиште. Денеска тоа му се случи на моето дете, утре може и на вашето“, предупреди тој, предизвикувајќи поплава од реакции.
„Не гледам проблем во тоа што се случи“, „Зошто и онака петгодишно дете вози велосипед на пат“, напишале некои корисници.
Автор: Ема Јуриќ
912