Изгледа дека доењето е дел од планот на природата да ги смири и замолчува доенчињата пред спиење. Всушност, млекото содржи протеин кој поттикнува сон, кој му помага на бебето да одлета во земјата на соништата (со дополнителна корист и за бебето и за мајката благодарение на хормоните што се ослободуваат додека мајката дои).

„Бебињата се биолошки дизајнирани да спијат на градите. Од составот на млекото и хормоналниот одговор на детето на доењето очигледна е врската помеѓу спиењето и доењето. Составот на мајчиното млеко дури и се менува во текот на денот за да има повеќе компоненти што предизвикуваат сон во текот на вечерта или ноќта“, вели Бет Мекмилан, обучен консултант за лактација.

Бидејќи западната култура промовира бебињата да учат сами да заспиваат, многу родители избегнуваат да го заспиваат бебето на градите. Мекмилан тврди дека ова предизвикува проблеми со хранењето и препорачува доењето да биде опуштено, дури и ако тоа значи дека бебето ќе заспие за време на хранењето. Затоа, ако детето не ослабне и има доволно влажни пелени дневно, тоа значи дека примило доволно млеко за време на хранењето и дека немате причина за грижа.

„Бебињата заспиваат додека се дојат, најмногу затоа што се сити и задоволни“, вели Ли Ен О’Конор, консултант за лактација. Често, веднаш по раѓањето, бебињата ќе заспијат додека се на градите иако всушност не јаделе целосен оброк. Цицањето е тешка работа за новороденчето, брзо се заморува, а стомакот му е толку мал, што не може да собере големо количество млеко. Се препорачува да не го ограничувате доењето на детето кога го заспивате во првите недели од доењето. Во првите четири до шест недели по раѓањето на вашето бебе, учите да ги толкувате знаците на вашето бебе дека е гладно, вашето бебе учи како да ве извести дека е гладно и вашето снабдување со млеко се приспособува на потребите на вашето бебе.

Опуштете се и уживајте во доењето

На родителите често им се кажува дека бебето заспива за време на доењето само ако е сито. Но, кога ќе дојдат на преглед кај педијатарот, се гледа дека бебето не добило на тежина. Но, доколку бебето не цица доволно млеко, телото на мајката се приспособува и не произведува поголеми количини млеко, туку производството го приспособува на потребата. Исто така, треба да бидете сигурни дека не ја сфаќате поспаноста како знак дека вашето бебе е сито.

За да го задржите бебето будно, консултантите за лактација ги охрабруваат мајките да се обидат да се префрлат на другата дојка кога бебето ќе почне да дреме. Можете, исто така, да се обидете да ги стискате градите меѓу палецот и прстите додека вашето бебе цица – познато како компресија на градите – за да го поттикнете да се дои подолго. И додека во повеќето случаи е сосема нормално бебето да дреме додека дои, О’Конор вели дека е важно внимателно да се следи хранењето на новороденчињата за да се осигури дека бебето не заспива од исцрпеност и/или недостиг на млеко.

„Ако се забележат проблеми, детето мора да оди на лекар кој може да ја процени ситуацијата“, вели таа. Меѓутоа, во повеќето случаи, бебињата заспиваат откако ќе испијат доволно млеко и откако ќе се задоволат нивните потреби за цицање. И немојте да се изненадите ако е „практично невозможно“ да го задржите вашето новороденче будно во тие први месеци. Меѓутоа, кога бебињата ќе пораснат, повеќето лекари советуваат да не се дои бебето само за да го заспиете.

Автор: Ема Јуриќ

Извор