Имаме многу важна работа – да им ги дадеме на децата сите алатки за да ги развијат најдобрите вештини и особини кои еден човек може да ги поседува, вели италијанската публицистка Илариа Бараброса, во својата колумна за специјализираниот портал „Типс фор воменс“.

Најголемата лекција на која можеме да ги научиме нашите деца е љубезноста, емпатијата и подарувањето. Да не заборавиме никогаш дека како мајки, имаме многу важна улога, да едуцираме и воспитаме извонредни луѓе, кои еден ден ќе го променат светот на подобро.

Затоа, наша работа е да им ги дадеме на децата сите алатки за да ги развијат најдобрите вештини и особини кои еден човек може да ги поседува – љубезност, емпатија и споделување. Важно е да ги научиме децата на вредностите и значењето на помагањето на другите, без да очекуваат нешто за возврат. Да им објасниме дека вистинското задоволство доаѓа од свесноста дека сме направиле нешто добро за друго лице без двојна цел. Да ги научиме на вредноста на реципроцитетот и значењето на споделувањето, без да барате нешто за возврат.

И повторно љубезноста, кон соседот, природата и целиот свет. Кажете им на децата приказна, онаа за добрите и специјалните луѓе кои имаат разбирање и прифаќаат ситуации, над оние кои ги карактеризираат нивните секојдневни животи. Мораме секогаш да запомниме дека наша задача е да промовираме љубов, љубезност и прифаќање, за нашите деца и за идните генерации.

Но, да не застануваме тука, да им кажеме на нашите деца за важноста на подарувањето, гест кој е исто толку важен колку што е заборавен, а треба да биде дел од нивните животи. Да им објасниме дека подарокот не значи секогаш нешто материјално: тоа може да биде и прегратка, време поминато заедно.

На крајот, преку најубавата бајка, да им објасниме колку може да биде лоша зависта, лошата завист. Во спротивно, да ги поттикнуваме да бидат среќни, секогаш, и со успехот на другите и да ги охрабруваме да ги остваруваат соништата и целите, а сепак да ги земаат луѓето за пример и тој пример да го следат, наместо да осудуваат. Да им кажеме колку е убаво да се споделува животот, помеѓу успесите и поразите, со другите, да ги научиме да даваат и да примаат, да бидат тука за луѓето кога им треба поддршка и да не се срамат истата да ја побараат.

Да ги научиме нашите деца денес да бидат извонредни луѓе утре.