Трендовите во воспитанието се менуваат, но основните правила на култура, љубезност и почит кон другите се универзални. Независно од возраста, истите принципи важат за сите, децата ги учат од возрасните, а возрасните ги покажуваат преку личен пример.

Ова се основни правила за убаво однесување што треба да ги практикува секој од нас:

• Секојдневен поздрав: („Добар ден“ и „До гледање“): Поздравете ги познатите лица, соседите, продавачите, наставниците, колегите и родителите на другарите. Поздравот е првиот знак на почит што не чини ништо, а значи многу.
• Моќта на „волшебните зборови“: Секое барање треба да започне со „ве молам“, а на секое добиено внимание, помош или подарок да се одговори со „благодарам“. Ако погрешиме, „извини“ ја отвора вратата за простување.
• Слушајте без упаѓање во збор: Запрете и почекајте соговорникот да ја заврши мислата пред да одговорите. Трпението во комуникацијата ги одвојува културните луѓе од непристојните.
• Задржете ги коментарите за туѓиот изглед: Никогаш не се коментираат физичките карактеристики (тежината, фризурата, стилот или начинот на одење), освен ако не станува збор за искрен комплимент.
• Почитувајте ја приватната зона: Тропнете на затворена врата пред да влезете, дури и кога сте дома со најблиските. Секому му е потребен личен простор.
• Отстапете место и помогнете: Во јавниот превоз секогаш им се отстапува место на постарите, бремените жени и родителите со мали деца. Придржете ја вратата за оној што оди зад вас, малите гестови прават големи луѓе.
• Вулгарноста не е шармантна: Погрдните зборови и пцостите не ве прават „поинтересни“, ниту подраматични. Културен човек се изразува со почит и без прости зборови.
• Прифатете ги различностите: Луѓето се различни. Се разликуваат по бојата на кожата, имотниот статус, потеклото, физичките можности… Различноста е нормален дел од животот и сите заслужуваат еднаков третман и достоинство.

Извор