Модерниот начин на живеење, честото користење паметни уреди, намалената физичка активност и долгото изложување на стрес и на несоодветни позиции на телото може да придонесат до појава на болки во вратната мускулатура и рамениот појас. Силната болка и вкочанетоста во мускулатурата се најчестите симптоми што се појавуваат. Ненавременото реагирање на првите симптоми по извесен период доведува до неизбежна ситуација во која мора да престанеме со своите работни активности неколку дена за да можеме да побараме соодветен третман за намалување на болката и подобрување на состојбата, објаснуваат од клиничката болница „Жан Митрев“.

Од миалгија на вратната мускулатура најчесто страдаат физички работници или работници што поминуваат подолг временски период пред компјутер во несоодветна позиција. Како превенција од оваа состојба потребно е тие повремено да ги прекинуваат своите активности за 10-15 минути и да направат неколку вежби со цел да се подобри периферната циркулација во мускулите и да се раздвижат големите мускулни групи.

Кога веќе ќе се појави оваа состојба, потребно е веднаш да се примени физиотерапија, дури и во периодот на мирување, бидејќи физиотерапијата има широк спектар на техники и методи за третман на болка и може значително да ја подобри состојбата. Третманите за болка можат да траат и по неколку дена имајќи ја предвид специфичност на состојбата.

Во третманот на ваков тип болка може да се употреби: криотерапија-криомасажа, мануелна масажа, кинезиотејпинг, исхемична компресија на тригер-точки, електротерапија, а подоцна и вежби за зајакнување на мускулатурата која со сигурност ќе ослабне во периодот на силни болки и имобилност.

Доколку имате чести болки во вратот и чувствувате напнатост во оваа мускулатура, консултирајте се со нашите физиотерапевти и закажете си третман на следниот телефонски број 02/3091484 или на 070 257-962.

Фото и илустрации: „Жан Митрев“

(Комерцијална објава)