Во неделата, 23 декември, во Битола традиционално по петти пат се реализира хуманитарната акција „Твоето малку е некому многу“. Оваа акција е активност во рамките на школата за лидерство и кариерен развој „Политеа“ и основна цел на акцијата е прибирање нерасиплива храна која се донира на семејства на кои каде им е потребна. Со оваа акција учесниците на школата добиваат можност да организираат настан преку кој ќе насочат дел од своето време и енергија во помагање на другите и добиваат можност да ја покажат својата хуманост на дело. Тие учат како да работат во тим и се охрабруваат да бидат генератори на промените во своето опкружување. Главен организатор-иницијатор на акцијата беше Центарот за европски развој и интеграција од Битола.

На овој настан гостинка беше и нашата Биби. Маја Андоновска преку интеракција со Биби ги долови моментите на среќа и радост кај децата. Дечињата ја учеа азбуката со Биби, ја пееја новогодишната песничка и имаа можност сите, заедно со Биби, да ги гледаат едукативните анимирани филмови.

Повеќе за настанот прочитајте на ОВОЈ ЛИНК.