Отсекогаш постоела таква врска помеѓу мене и татко ми, не знам дали тоа е затоа што не можев да го гледам цело време или затоа што тој многу ме сакаше.

Но, како и да е, тој секогаш беше тука за мене, секогаш тука да помогне. Беше тука за мене додека бев малечка, пред тинејџерските години и за време на тинејџерски години. Дури и сега, во мојата зрела возраст, сум многу благодарна. Кога бев малечка, моите родители се разведоа, па наместо да се гледам со татко ми секој ден, почнав да го гледам секоја втора недела. Можете да замислите колку беше тешко, не само за мене, туку и за него. Мислам дека затоа имаме толку силна врска.

Никогаш не чувствував дека сум подалеку од него, како тој секогаш да беше наоколу, секогаш тука кога ми требаше. Најдобрите спомени што ги имам се главно со татко ми. Се сеќавам на нашите патувања за кампување, се сеќавам на моите фудбалски натпревари и како тој беше мој обожавател број еден. Се сеќавам на времињата кога одевме да јадеме цели кофи со пилешко, потоа седевме покрај водата, планинаревме и вечеравме. Се сеќавам на нашите патувања, на нашите филмски ноќи и на нашите ноќи исполнети со игри.

Сите мои убави спомени изгледа како да се сведуваат на татко ми. Не знам каде ќе бев денес да не беше ти, тато.

Татко ми и јас сме многу слични по карактерите. Тоа го прави животот многу полесен. Можеме да ги разбереме потребите, желбите и тврдоглавоста еден кај друг. Нема подобро чувство од тоа да се вратиш дома по лош ден и да го видиш татко ти кој веднаш знае дека нешто не е во ред. Искрено, не знам што би правела без татко ми. Тој е неверојатен. Тој отсекогаш беше мој омилен човек и тоа е она што ја прави нашата врска толку силна.

Можеме да разговараме како да нема ниту една грижа на светот и разбираме како се чувствуваме меѓусебно, како се справуваме со ситуации и како да реагираме кога нешто ќе тргне наопаку. Бидејќи имаме многу заедничко, лесно е да се разбереме. Татко ми е мојот извор на енергија.

Како што поминувате низ животот, имате многу подеми и падови и многу предизвици на кои можете да кажете „да“ или „не“. Јас имав неколку ситници на кои им реков не, но татко ми секојпат ми велеше: „Ќе се каеш за ова“. И тоа се случуваше.

Тоа само покажува дека таткото е секогаш во право. Тој секогаш беше тука за да ме турка во вистинската насока, а јас искрено не знам како му успева. Како да нема страв од светот и секогаш гледа авантура во нештата. Тој е дефинитивно личноста од која ја добив мојата авантуристичка страна. Секојпат кога треба да донесам голема одлука и не сум свесна што да одлучам, тој секогаш ме турка во една насока, а јас некако тежнеам да растам од секое мало туркање.
Сега кога размислувам за тоа, мислам дека никогаш не сум донела погрешна одлука кога барав помош од татко ми. Татко ми е извонреден. И на крај, татко ми ме направи татината девојка која сум денес. Го гледам татко ми и се надевам дека еден ден ќе бидам голема и моќна како што е тој. Се надевам дека на некој друг ќе му дадам поддршка каква што тој ми дава цел живот.

Тато, знам дека твојот живот не беше лесен. Знам дека си поминал низ толку многу драстични промени и настани во твојот живот, но тие те направија тоа што си. Сакам да сфатиш колку сум благодарна за сѐ што направи за мене. Ти ме направи личноста која сум денес – од тебе научив како да бидам добра личност. Ме натера да ја сфатам убавината во животот.

Ме научи секогаш да се трудам максимално, да се однесувам правилно со луѓето, да се сакам себеси и да бидам личноста што отсекогаш сонував да бидам. Ме натера да верувам дека моите соништа може да се остварат, па ги остварив и морам да ти се заблагодарам за тоа. Ме научи никогаш да не кажувам НЕ, секогаш да одам по авантуристичкиот пат и да научам да растам од пречките што ќе ми се најдеа на патот. Ме научи на почит, одговорност и како да живеам чисто.

Јас сум тоа што сум денес поради тебе, тато.

Те сакам, ми недостигаш и ти благодарам. Ти благодарам за сѐ што направи за мене и за сѐ што ме научи, за сѐ што жртвуваше за мене, и на крај ти благодарам што си ТИ. Затоа што без тебе, и мене ме нема.

Многу сум благодарна што сум татино девојче и уште поважно – твое татино девојче. Те сакам.

Извор