Дали се топите кога ќе го видите партнерот со бебето в раце? Речиси сите мајки го потврдуваат ова. Бидејќи повеќето мајки поминуваат повеќе време со своето бебе отколку со нивните партнери, тие чувствуваат одговорност да им помогнат на своите партнери да се поврзат со нивното бебе. Впрочем, времето на тато со бебето е исто толку бесценето и важно за воспоставување квалитетна врска. Еве неколку моменти кои сите нови татковци треба да ги имаат со своето бебе.
Време за хранење
За мајките што ги хранат своите бебиња со шише, важно е татковците да бидат вклучени во хранењето. Но, мајките што дојат знаат дека немаат можност татковците да го хранат бебето освен ако не се измолзуваат. Татковците можат да помогнат при подригнувањето и на овој начин бебето може да го помине времето на доење и во друштво на мама и на тато.
Галење и гушкање
Вечерните моменти со новороденчето може да бидат хаотични, со хранење, менување пелени, перење алишта, вечера и дружење со партнерот во исто време. Една од најважните работи што е многу корисна е времето на тато со бебето, односно гушкање. Освен што мајката ќе има повеќе време за себе, тато и бебето ќе поминат квалитетно време заедно.
Време за капење
Ако сте нов родител, времето за капење може да биде предизвик. Повеќето малечки сакаат да бидат во топла вода, па ако можете, направете го времето за капење семеен настан. Позабавно е и поедноставно. Тато може да биде задолжен за миење на телото, а мама може да биде задолжена за миење на косата. На овој начин и мама и тато уживаат во овој прекрасен ритуал и се поврзуваат со своето бебе.
Утринска рутина
Утринските рутини изгледаат различно во секое домаќинство. Сепак, не заборавајте да го вклучите тато во вашата утринска рутина со бебето. Тој може да го подготви бебето, да му ја смени пелената и да го облече. Тогаш тато и бебето можат да се дружат уште малку додека мама не ги заврши утринските обврски. Раните утрински моменти пред работа се одлични за поврзување на таткото со бебето. Бидете креативни и приспособете го утринскиот распоред на вашето семејство за секој да може да поминува време со бебето.
Приказни за добра ноќ
Приказните за добра ноќ се одличен начин бебето да го запознае гласот на тато. Истовремено, приказните пред спиење се начин за вашиот партнер да го заврши денот со прекрасна активност и едноставно да ужива во своето време со бебето, проучувајќи ги очите на бебето и начинот на кој реагира на сè што ќе му каже.
Посебен ритуал меѓу тато и бебето
Една од најдобрите работи е кога татковците и бебињата имаат свој посебен ритуал. Без разлика дали тоа значи заедно со бебето да лежат на стомак, да се „глупираат“, да читаат книга, да пеат или нешто друго – уживајте во времето што го поминувате заедно и ценете ја секоја ситница во секоја фаза од растењето.
912