Со децении, ако не и со векови, се сметаше за некаков проблем, грешка, лош пристап од страна на мајката, ако детето заплаче веднаш штом таа излезе од собата. На овие мајки им се советувало да го остават детето да стане независно, да се „челичи“ и да научи. Тешко е да се објасни како и кога настанало ова недоразбирање.

Ако некое дете, мало дете, ве бара и сака да биде со вас, тоа значи дека се чувствува безбедно во ваше присуство, дека вие сте личноста која му влева сигурност. Се зголемува свеста за тоа и затоа е сѐ поретко мајката во овие ситуации да се чувствува виновна, како да прави нешто погрешно. Младите мајки сè повеќе го разбираат концептот на сигурна приврзаност и се стремат да го негуваат како таков, дозволувајќи му на нивното дете да порасне од таа сигурност во независно, силно, издржливо младо суштество.

Сепак, она што е важно да се нагласи е дека вашата врска со вашето дете НЕ е повредена кога сте одвоени од него. Дури и кога плаче. Она што може да биде штетно, а што многу луѓе го прават, е избегнување соочување со моментот на разделба и „искрадување“. Исто така, минимизирањето ги чувствата на децата со фрази како: „Не глупирај се, ќе се вратам попладне, нема причина да плачеш“ или: „Навистина ѝ е тешко на мама кога плачеш. Сигурно не сакаш да бидам тажна цел ден, така?“

Друга работа што може да предизвика вознемирена приврзаност е кога сме неодлучни и исплашени додека го оставаме со друга личност која ќе се грижи за него. Бидејќи децата го чувствуваат вашето двоумење и несигурност, многу е важно да имате целосна доверба во луѓето кои се грижат за вашето дете. И покрај солзите, клекнете и нежно објаснете му на детето каде одите и кога ќе се вратите.

Многу е важно да воспоставите мали рутини кога се разделувате и повторно се среќавате. Тоа им дава голема сигурност. Тоа може да биде бакнеж на двете раце или на образите.

Кога ќе се вратите, искористете го моментот да изградите ѕид на доверба затоа што сте го одржале ветувањето што сте му го дале: рековте дека брзо ќе дојдете и го направивте тоа.

Со текот на времето, детето ќе научи да ви верува и ќе знае дека секогаш се враќате.

Извор