Во текот на својата 23-годишна кариера како еден од најпознатите американски адвокати за разводи, Џејмс Секстон научил многу за врските. Зборувајќи со претприемачот Стивен Бартлет во поткастот „Дневникот на извршниот директор“, Секстон открил голем знак кој, според неговото искуство, покажува дека бракот ќе се распадне.
Секстон објаснил дека неговиот заклучок дошол од долгогодишното набљудување на моделите на однесување меѓу различни групи луѓе, со цел да се забележат најчестите причини за несогласувања меѓу паровите.
-Мислам дека супстанциите се веројатно главен фактор. Ако едното или двете лица се зависни од алкохол или дрога, тоа обично укажува дека бракот ќе заврши со развод – рекол тој.
Иако оваа изјава може да изгледа контроверзна, многу гледачи се согласиле со неговото набљудување и споделиле свои искуства за тоа како зависноста влијаела врз нивните бракови.
Една жена напишала: „Мојот прв брак заврши поради алкохол. Јас пиев се помалку, а тој повеќе. Пиеше пред работа и одби да оди на терапија. Го оставив“.
912