Скокови во развојот се случуваат кога развојот и моториката на бебето напредуваат толку многу, што апетитот му се зголемува, а тоа станува пораздразливо и немирно.

Го знаете чувството кога наеднаш ќе се најдете како гледате во вашето бебе, а ви изгледа како да пораснало преку ноќ. Ова не е ништо необично, со оглед на фактот дека бебињата можат да пораснат и до девет милиметри за една ноќ. Тоа се скокови во развојот и не за џабе бебињата растат кога спијат.

Кога расте бебето?

Вашето бебе најмногу ќе порасне во првата година од животот кога ќе ја удвои својата родилна тежина, помеѓу четвртиот и шестиот месец од животот. И тројно до првиот роденден. Неговата глава секој месец ќе расте по еден и пол сантиметар во обем, а до првиот роденден ќе биде еден и пол пат подолга отколку кога се родило.

Како што расте вашето дете, развојните скокови ќе стануваат поретки. Помеѓу првиот и вториот роденден ќе се здебели речиси три килограми, а ќе порасне и до седум сантиметри. Речиси во секој скок на растот вашето дете ќе порасне помеѓу пет и седум милиметри.

Ако до вчера вашето дете било бистро и весело, а денес нервозно, повеќе од веројатно е дека доживува развоен скок. Може да очекувате развојни скокови на возраст од 10 дена, 3 недели, 6 недели, 10 недели, 3 месеци, 5 месеци, 7 месеци, 9 месеци, 11 месеци и помеѓу 13 и 14 месеци.

Совети како да ги препознаете овие скокови во развојот:

Алармантен тек

Ако ви се чини дека вашето бебе одеднаш е многу гладно и не може да се засити, тоа обично значи дека поминува низ развоен скок. Сосема логично, ако многу расте, му треба многу храна. Ако го доите вашето бебе, можете да бидете речиси сигурни дека ќе помине двојно повеќе време на градите од вообичаено. Но, не очајувајте, развојните скокови траат само неколку дена. Исто така, може да се случи бебето да биде многу немирно додека јаде, не очајувајте – ќе помине.

Нема спиење

Немојте да се изненадите ако вашиот совршен спијач сега се буди неколку пати во текот на ноќта или не може повторно да заспие. Можно е детето да не може да заспие затоа што е гладно или затоа што е нервозно. Но, онолку колку што вашето бебе изгубило сон, тоа ќе го надомести откако ќе престане растот. Истражувањата покажале дека постои поврзаност помеѓу хормонот за раст и спиењето. Имено, врвното лачење на хормонот за раст се случува за време на спиењето, па не е ни чудо ако ви се чини дека вашето бебе пораснало преку ноќ.

Промени во расположението

Иако понекогаш неколку часа изгледаат како неколку дена, кога вашето дете ви се чини преголемо, смирете се со помислата дека развојните скокови траат два дена. Затоа, олеснете си го денот и на себе и на вашето малечко и не нервирајте се ако веселото бебе се претвори во неуморен врескач. Гушкајте се со вашето бебе бидејќи колку повеќе време поминувате заедно, толку ќе бидете поопуштени.

Заедно кон пресвртници

Мозокот на вашето бебе при раѓање е околу 25% од тежината на мозокот на возрасен. Додека да наполни две години ќе биде 80%, па бебето освен што има физички развојни скокови, има и ментални. За време на првите неколку развојни скокови вашето бебе ќе почне да гуга, самостојно да седи и да научи да кажува мама или тато.

Бебињата ќе научат многу во текот на првата година од животот, па затоа не е чудно што понекогаш се нервозни. Ако се сомневате дека вашето бебе има развоен скок, обидете се со ова:

-Кога вашето бебе ќе го направи својот следен развоен скок, обидете се редовно да го масирате за да го опуштите. Освен што физичкиот допир ќе го опушти, ќе се чувствува безбедно и сакано, па симптомите на нервоза ќе бидат полесни.
-Не расипувајте го сонот на вашето дете ако заспие еден час порано од вообичаеното. Скоковите во развојот се многу предизвикувачки за бебињата, па понекогаш тие ќе спијат пократко, а понекогаш подолго. Почекајте вашето бебе да направи скок во развојот, а потоа вратете го на неговата рутина за спиење.
-Повеќе од веројатно, вашето бебе ќе јаде многу повеќе за време на растот. Не водете се според неговиот вообичаен ритам, туку дозволете му да ве води.
-Ако доите, ќе ви требаат повеќе течности и повеќе храна за време на скокот во растот за да бидете во чекор со бебето.
-Повеќето мајки ќе се запостават себеси во овој стресен период, затоа не заборавајте да пиете вода за да избегнете дехидрација.
-Не двоумете се да побарате помош од семејството и пријателите во периодот на интензивното доење. Побарајте помош ако треба малку да го исчистите станот или да отидете во продавница – ќе си олесните.

Развојните скокови можат да бидат многу заморни за мајката и за таткото. Затоа планирајте време за себе кога бебето ќе заспие. Без разлика дали станува збор за туширање, читање книга или романтична вечера на каучот со партнерот, важно е да се опуштите и да го одморите мозокот.

Сето тоа е привремено, нема да трае вечно, па затоа е во ред да се чувствувате нервозни како вашето бебе за време на растот. Може да се случи и вашето бебе да излезе од рутината, но по скокот почнете повторно да ја воведувате рутината и бебето малку по малку ќе ја прифати.

Извор