„Слатка си, но не толку за да останеш будна“. Разговор на татко со 4-месечната ќерка
Рејчел Муноз сподели скапоцен момент помеѓу нејзиниот сопруг и нивната ќерка на социјалната мрежа „Тик-ток“. На видеото можете да слушнете како тој разговара со 4-месечната ќерка и се обидува да ја заспие.
Таткото не сфатил дека мониторот за бебиња во нивната спална соба е вклучен, па така Рејчел можела да слушне што зборува.
– Мојот сопруг е најдобар – напишала Рејчел под видеото.
На видеото можете да слушнете како овој татко ја задева својата ќерка велејќи ѝ:
– Да, време е за спиење. Не обидувај се да го покажеш твоето слатко лице. Ја знам твојата игра, тоа го правиш секогаш кога ти менувам пелена. Ми даваш слатка мала насмевка и мислиш дека така ќе ме освоиш. Тоа не функционира на мене. Слатка си, но не толку за да останеш будна.
