Видео: Како децата ја гледаат работата на мајката
Мајките што жонглираат помеѓу кариерата и мајчинството се навистина најдобри. Во следното видео неколку ученици објаснуваат што прават нивните мајки на работа… а потоа и самите мајки објаснуваат со што се занимаваат.
Дечињата веднаш се развеселуваат кога сфаќаат дека треба да раскажат за нивните мајки. Па така, првото вели: „Мојата мајка тестира авиони“, додека другото вели: „Мајка ми може да работи… и работи“. Мајката потоа објаснува дека е инженер и дизајнира и гради авиони.
Следното детенце тврди дека неговата мајка вози, па мајката надополнува дека всушност работи како адвокат. Слаткото девојче вели дека нејзината мајка готви, а потоа мајката надополнува дека всушност е доктор по акупунктура и функционална медицина.
„Мојата мајка ми носи ужини и јас ги јадам“, вели следното детенце. Неговата мајка додава дека е научник и истражувач за канцер.
„Мојата мајка работи во обезбедување, работи од дома на лаптоп и компјутери“, вели едно од девојчињата, а мајката надополнува дека нејзината професија е инженер за наоѓање решенија за сајбер-безбедност.
„Не знам“, вели едно девојче кое ги засмејува своите наставници, а мајката објаснува дека работи како училиштен психолог.
