Некогаш ни се чини дека бракот денес е потежок од кога било. Без разлика дали се работи за итен проект на работа, грижа за децата или вршење домашни работи, сите сме преокупирани со нашите преполни распореди. Иако сакаме да поминуваме време со нашите партнери, често ни е одвлечено вниманието заради обврските, а фразата „уште само десет минути“ станува мантра во бракот. Тогаш се прашуваме зошто нашата врска е во неволја.

Одржувањето на семејството бара сериозен труд – од уредување на домот и ставање храна на масата до грижа за потребите на децата. Сепак, важно е да се запамети дека бракот е исто толку важен, ако не и поважен, според експертите.

Советниците и терапевтите д-р Тами Нелсон, Харвил Хендрикс, Хелен Ла Кели Хант, Тони Виктор, Сју Батлер и Кимберли Андерсон споделиле совети како да се одржува добриот брак. Добрата вест е дека не е толку тешко како што мислиме.

Поставете дневна рутина за вас и вашата врска

Рутината може да биде мотивирачка, без разлика дали е неделно излегување со пријателите или време резервирано само за вас двајца.

-Ако не сте сигурни од каде да започнете, излегувањето на свеж воздух или на кафе е одличен и лесен прв чекор – советува д-р Нелсон.

Бидете искрени за тоа како се чувствувате

-Без разлика колку е очигледен вашиот родителски стрес, голема е веројатноста дека вашите партнери не разбираат целосно што се случува. Не плашете се да ги споделите вашите чувства и да ги пуштите поблиску до вас – се согласуваат експертите.

Понекогаш е неопходно бракот да се стави на прво место

Децата често се центар на светот на нивните родители, но тоа не е нивниот целосен идентитет.

-Една од најважните работи што паровите можат да ја направат е да го слават својот идентитет како сопружници, не само како родители. Родителството може да биде премногу напорно. Важно е да ги освежите работите гледајќи го вашиот партнер како маж или жена, а не само како родител на вашите деца – вели Андерсен.

Повик за дополнителна помош

-Нема ништо лошо во барањето помош. Ослободете се од менталитетот „направи сѐ сам“. Дополнителен пар раце или уши може да направи огромна разлика во секојдневните предизвици – велат советниците и терапевтите.

Согласете се дека понекогаш нема да се согласувате

Расправиите се нормални во сите здрави врски. Она што навистина е важно е како се справуваме со овие несогласувања. Целта на расправијата не е да се „победи“, туку и двајцата да се чувствуваат слушнати и разбрани.

-Овие правила помагаат да се одржи силна брачна основа, дури и кога семејните предизвици го преземаат секојдневието – заклучуваат експертите.

Извор