Успешната Италијанка Марија Монтесори, на чиј метод многу училишта низ светот ја засноваат својата работа, смета дека формирањето на карактерот се одвива низ три периоди:

До 6 години – време на создавање (детето не ја знае разликата помеѓу доброто и злото, има своја природа, фаза кога се создаваат основите на карактерот). Ова е период на небалансирана енергија и интензивен напор на детето – само од шестата година детето е приспособено на времето и средината на која припаѓа, способно за разбирање и расудување.

Од 6 до 12 години – детето станува свесно за доброто и лошото (кај себе, но и кај другите луѓе) и формира морална свест која подоцна води до развој на социјалната свест.

Од 12 до 18 години – се раѓа чувството за љубов кон татковината, припадноста кон нацијата и се поставуваат основите за зрелиот период на личноста со препознатлив карактер, целосно подготвена за сооднос со други лица.

Во однос на таа поделба изградила систем на однесување, интелигенција, напредување и формирање карактер. „На детето не треба да му се заканувате или да му ласкате – само треба да му обезбедите нормални услови за живот. Нарушувањата на карактерот потоа исчезнуваат сами по себе“, заклучила таа.

Извор