Иако бебето може да спие и до 16 часа на ден, вие како родители имате среќа ако спие континуирано неколку часа за да можете да се одморите.

Новороденчињата имаат мал желудник и треба редовно да се хранат за да бидат сити. За жал, ова подразбира чести будења во текот на ноќта, што во најмала рака може да биде непријатно кога сте родител на кој очајно му е потребен сон. Некои бебиња спијат подобро од другите, а нема ништо полошо од тоа да бидете опкружени со добро одморени бебиња, додека вие се борите за сон во текот на ноќта. Еве седум едноставни совети со кои можете да се обидете да го поттикнете вашето бебе да спие подолго.

Воспоставете рутина пред спиење

Секојдневната рутина пред спиење може да помогне. Се разбира, рутината може да се промени како што расте бебето, но општата рутина пред спиење дефинитивно може да помогне. Можете да воведете рутина пред спиење кога вашето бебе ќе наполни четири месеци.

Поставете завеси за да ја блокирате светлината

На бебето му е подобро ако спие во темна соба. Сончевата светлина што поминува низ завесите може да го држи бебето будно. Поставете завеси што ја блокираат светлината за да ја задржите просторијата темна и да создадете удобно опкружување за спиење на малечкото.

Хранење во полусон

Воведете доцно ноќно хранење додека вашето бебе е полузаспано. Ова може да го поттикне бебето да спие малку подолго, за и вие да уживате во мал одмор пред следното будење.

Соодветно облечете го бебето

Бебињата често имаат проблеми со спиењето ако им е премногу топло или премногу ладно. Прво проверете ја собната температура и проверете дали е идеална за бебето.

Почекајте да видите дали му требате на бебето

Некои бебиња плачат во сон, а родителите веднаш „скокаат“ за да видат што не е во ред. Почекајте минута или две за да видите дали вашето бебе повторно ќе заспие без помош. Ако е така, можете да останете таму каде што сте и да се вратите на спиење. Ако не, време е да станете од кревет.

Нека биде тивко во домот за време на ноќното будење

Ако вашето бебе се буди ноќе, дајте му до знаење дека е ноќ. Светлата нека бидат исклучени, а движењата мирни и бавни. Вашето бебе со текот на времето ќе научи дека ако испраќате јасна порака оти сè уште е ноќ, треба да спие.

И ова ќе помине

Бебињата не остануваат бебиња долго. Ќе дојде ден кога ќе се мачите да го разбудите вашето поспано дете за на училиште. Фрустрирачки е и тешко постојано да се чувствувате уморни, но обидете се да запомните дека тоа нема да трае вечно.

Извор