Додека вие се грижите и правите сè за вашето дете да се чувствува безбедно додека е во вашиот стомак, тоа е зафатено со растот, развојот и учењето на нови и возбудливи трикови.
Третиот триместар од бременоста е особено возбудлив бидејќи бебето почнува да се однесува како мал човек!

Прочитајте пет неверојатни работи што ги прави вашето бебе во третиот триместар од вашата бременост кои за порталот Motherly ги издвои Дијана Спалдинг, мајка на три деца, акушерка и педијатриска сестра.

1. Станува потешко

Нозете и рацете на бебето се веќе добро формирани, па сега тоа е зафатено со зголемување на тежината. Во последните неколку недели од бременоста бебето добива по околу 20 грама неделно. Мастите што се развиваат помагаат на бебето да му биде топло и, се разбира, да биде подготвено за гушкање и штипкање кога ќе излезе од матката.

2. Го вежба дишењето

Бебето целиот кислород го добива од папочната врвца и плацентата, но уште додека е во матката учи да дише со цел да се приспособи кога ќе излезе надвор. Во моментот на раѓање циркулаторниот систем на бебето драматично се менува, овозможувајќи му да го вдише воздухот што и ние го дишеме. Тој прв здив навистина е прекрасен!

 

View this post on Instagram

 

Your voice and your baby در سه ماهه سوم ، نوزاد در شکم مادر توانایی شناسایی صدای مادر و داره و اگر با صدای بلند براش کتاب بخونید و با عث افزایش ضربان قلب و احساس آرامش در کودک می شید. و علاوه بر تفوبت سیستم شنوایی باعث رشد احساسی و اجتماعی میشه .گوش کردن موسیقی آرامش بخش باعث فعال شدن مغز کودک میشه و این ادعا که موزارت کوچولوی شما را باهوش تر میکنه تا به حال ثابت نشده. In third trimester , When a mother reads aloud, her voice has a calming effect on her unborn or newborn baby, decreasing their heart rate. Intonation in a voice has been proved to shape auditory learning, leading to her newborn recognising, and forming a preference for, their mother’s voice. And not only does her voice affect the development of her baby’s auditory system, but amazingly, it also impacts their social and emotional developmentunborn baby can recognise moms voise. Although Mozart may not make your little one any smarter, it may make their brain more active. #unbornbaby #pregnancymusic #readingforbaby #talkingbybaby #کتاب_خواندن_برای_کودک_قبل_از_تولد #موسیقی_در_بارداری

A post shared by pregnancy lifestyle by PAAN (@lifestyle_in_pregnancy) on Jun 7, 2018 at 2:58am PDT

3. Ги отвора очите и трепка

Бебињата почнуваат да гледаат светло во вториот триместар од бременоста, но околу 28. недела од бременоста можат да ги отворат очите и да трепнат. Ако ја насочите светилката кон вашиот стомак, бебето најверојатно ќе ги отвори очите и ќе намигне – неговата прва игра! Интересен факт: пигментот на очите на неродените бебиња сè уште се развива и ќе продолжи да се развива дури и по раѓањето.

4. Открива вкусови и уринира

Бебето сега може да ја вкуси храната што ја јадете преку амнионската течност. И додека вие уживате во својата омилена храна, вашето бебе учи сè за новите вкусови. Сега е вистинско време да го научите еден ден да го сака кељот.
Другиот дел не е така сладок, но е неверојатен и важен. Вашето бебе почнува да уринира! Голта еден дел од амнионската течност, ја преработува и потоа ја уринира.

5. Го слуша вашиот глас и го обожава

Вашето бебе веќе некое време може да слуша (приближно од 18. недела од бременоста). Меѓутоа, во третиот дел од бременоста вештините за слушање на бебето напредуваат и тоа може да слуша, но и да ви одговори. Истражувањата откриле дека кога мајките пеат „ла“, бебињата во стомакот ја отвораат и ја затвораат устата заедно со нив – нереално, нели? Затоа немојте да се срамите: зборувајте му, читајте и му пејте му на вашето бебе. Наскоро ќе го правите тоа заедно.