Од извор близок до кралското семејство, светските медиуми успеаја да ги претпостават трите родителски точки на кои Кејт Мидлтон им дава приоритет. Како што споменуваат медиумите, принцезата Дијана била многу „природна кралска мајка“, а Мидлтон изгледа дека оди по нејзините стапки. Сето ова е во прилог на должностите што ѝ ги доделила кралицата Елизабета. На крајот на краиштата, Мидлтон е војвотката од Кембриџ, покрај тоа што е и мајка.
Како Кејт Мидлтон го води нејзиниот простор
Според изворот за магазинот „Пипл“, Мидлтон ги води работите дома со децата и распоредот на обврски и е вклучена во секој дел од нивниот ден. Нејзини деца со војводата од Кембриџ, принцот Вилијам, се принцот Луис (3), принцезата Шарлот (6) и принцот Џорџ (8). Охрабрувањето на нејзините деца да бидат надвор, колку што е можно повеќе, е првата точка претставена како важна за кралската мајка. Се чини дека Мидлтон и нејзините деца прилично се веселат во градините со кои располагаат, а на прашањето за тоа од Би-би-си, таа рекла: „Тоа прави огромна разлика“.
„Пипл“ навел нејзина изјава од гостување на поткаст, каде што таа рекла дека некои од нејзините омилени семејни моменти биле оние каде што „сите сме гнасни и валкани“. Ова е поврзано со втората родителска точка, а тоа е да се одвои време за семејна забава. Возењата со велосипед, патувања на плажа и екскурзии за истражување се редовни активности на нивниот распоред. На нивната 10-годишнина од бракот војводата и војвотката споделиле видео во кое се гледа овој аспект од нивниот семеен живот.
Да се биде „присутен родител“
Конечно, третата и последна точка за родителство ја нагласува важноста да се биде „присутен родител“. Кејт Мидлтон и принцот Вилијам се „присутни“ за малите нешта што им се случуваат на децата. „Кејт сака да одржува обичен живот“, вели семеен пријател. Додека децата се расправаат околу песните што треба да ги свират на појадок, тие се таму. Кога ќе дојде време децата да бидат земени од училиште, тие се таму. И, очигледно, на крајот на денот, тие се исти како сите нас. „Вилијам ќе ѝ донесе џин-тоник на Кејт“, изјавил за „Пипл“ семеен пријател. „Тие се грижат еден за друг, но на различни начини“.
Автор: Џесика Хинкл
912