Навистина, родителството е пат на откритија. Мајките на интернет ги споделуваат промените – добри и лоши – што ги изненадиле откако добиле деца.

1. Никогаш повеќе патувањето нема да ви биде лесно

– Порано пакував козметички продукти, книги и убави нешта. Сега луѓето зјапаат кога јас и сопругот се појавуваме со трите деца, пет куфери, три седишта за во автомобил и што уште не на аеродром.

2. Ќе откриете нови вештини што ќе ви бидат од помош

– Како да го дадете оној строг поглед.

3. …и скриени таленти

– Имам талент да бидам повеќе будалеста отколку што мислев дека можам да бидам.

4. Ќе создадете нови пријателства

– Откако го добив синот, мојот социјален живот се прошири и е брилијантен.

Како моето трето дете ме промени како родител

5. Голем дел од вашиот мозок ќе биде исполнет со „глупости“

– Имаше фаза во животот на син ми кога можев да го покажам секој јавен тоалет во секој град во кој одевме.

6. Времето ќе стане флексибилен концепт

– Порано мислев дека спиењето до 10 часот наутро е беспотребно лежење. Сега беспотребно лежење е и во 7 часот наутро. Не разбирав колку тешко ќе биде да се облечам и да излезам од домот само за да купам млеко.

7. Ќе бидете исцрпени речиси цело време

– Не знам што значи тоа некогаш да не бидам на должност. Сега тишината ја ценам многу повеќе.

8. Ќе ги цените малите работи

– Божиќ повторно стана магичен.

Фасцинантни портрети на жени пред и по породувањето: погледот, енергијата, зрелоста, сè е различно

9. Ќе се плашите, но сепак ќе дејствувате

– Откако ги добив моите две ќерки, можам да се справам со секој инсект во домот – не врескам повеќе и не се кријам во соба. Го изгубив чувството на гадење од крв, валканост, повраќање и фекалии – сега можам ефикасно сè да исчистам, па дури ја импресионирам и мајка ми.

10. Она што го подразбирате под „недолично зборување“ ќе се промени

– Не очекував дека толку многу ќе зборувам за голема нужда.

11. Ќе бидете чувствителни

– Плачам за сè сега. Бев смирена личност што се контролира, но сега секој емоционален момент ми предизвикува кнедла во грлото.

12. Ќе научите да не се нервирате за ситници

– Во ред е ако има садови што треба да ги измиете. Ќе ја завршите обврската кога ќе можете, а ако не се случи тоа веднаш, и тоа е во ред“.

Извор