Седум намирници што не треба да му ги давате на бебето
Првите четири месеци од животот бебето се дои. Во некои случаи, на бебето му е потребна млечна формула, но основната храна во првата фаза од животот е мајчиното млеко. По истекот на четирите месеци, започнува периодот на приспособување, во кој детето може да добие дополнителна храна која служи како додаток на доењето. Овие намирници обично се едноставни и лесни. Но, постојат одредени намирници кои не се препорачуваат за деца под 12 месеци. Тоа се:
Шеќер
Иако оваа намирница е многу честа, на бебето не му е потребна бидејќи ја содржи мајчиното млеко. Ако сакаме да ја засладиме храната за да го подобриме нејзиниот вкус, тоа можеме да го направиме со овошје. Покрај тоа, шеќерот може да предизвика предвремено расипување на забите.
Мед
Тој е природна замена за шеќерот, чија употреба е многу честа појава во исхраната на децата. Но, она што не го знаеме е дека неговиот состав е многу сличен со оној на белиот шеќер. Друг недостаток е можноста да содржи бактерии, кои го загрозуваат дигестивниот систем.
Сол
Солта се користи за подобрување на вкусот на храната, но е и штетна. Овој производ треба да се отстрани од исхраната на бебето бидејќи го загрозува здравјето на бубрезите. Се препорачува само умерено користење од дванаесеттиот месец.
Морска храна
Одредени видови риби и школки имаат големо количество жива, елемент кој е производ на загадувањето.
Некои видови зеленчук
Алгите, блитвата и спанаќот содржат нитрати. Во прекумерни количини тие можат да предизвикаат намалување на кислородот во крвта.
Модифицирани производи со мала содржина на масти
Не е лошо да се консумираат производи со помалку маснотии, но станува збор за обезмастени производи кои поминале низ посебни процедури за отстранување на вишокот маснотии. Од друга страна, мастите во овие намирници се неопходни за детскиот организам, тие се извор на витамини и калории.
Преработена храна
Обработката може значително да ги промени својствата на намирниците. Затоа треба да се избегнуваат во исхраната на бебето. Ова се однесува на сурови препарати од животинско потекло, пијалаци на база на ориз, помфрит, сладолед и слично.
