Во Основното училиште „Коле Неделковски“ во Општина Центар денеска беше организиран прием на првачиња. Невообичаено за овој ден, наместо внатре, тие седеа на столчиња во клупи надвор од училишната зграда, а нивните родители стоеја отстрана.

Директорката Светлана Масларевска вели дека првиот училиштен ден за првачињата се одбележува сега за да има простор да се запознаат родителите и децата со наставниците, со цел да не им биде стресно на првачињата кога родителите ќе треба да ги остават во училиште и нема да смеат да влезат со нив во училницата на 1 октомври, бидејќи така налага протоколот.

Ви посакуваме успех, драги првачиња!