Со гордост сакаме да споделиме дека учениците од IQ UP! училишните центри низ државата постигнаа неверојатен успех на Интернационалната СТЕМ олимпијада, демонстрирајќи извонредни знаења, иновативност и креативно размислување. Одличните резултати ги пласираа дури 90 отсто од IQ UP! натпреварувачи во финалето, што претставува значаен доказ за нивната подготвеност, креативност и аналитички способности во полето на науката, технологијата, инженерството и математиката.

Што претставува Интернационалната СТЕМ олимпијада?

Интернационалната СТЕМ олимпијада е престижен натпревар кој ги тестира способностите на учениците во науката, технологијата, инженерството и математиката. Овој глобален предизвик привлекува млади умови од целиот свет, кои преку низа задачи, прашања и предизвици треба да покажат креативност, логичко размислување и практични вештини за решавање реални проблеми од природните науки.

Неверојатен успех на IQ UP! тимот

Оваа година IQ UP! учествуваше со рекорден број ученици, во неколку возрасни категории (деца од 6 до 12 години), кои ги покажаа своите знаења и способности. Нивната подготвеност и посветеност резултира со извонреден успех – 90 отсто од учениците се квалификуваа за финалната фаза на олимпијадата, со што ја поставија IQ UP! како лидер во СТЕМ едукацијата.

Тајната на успехот – квалитетна едукација и менторска поддршка

Ова постигнување е резултат на иновативната IQ UP! методологија која комбинира интерактивно учење, практични експерименти и решавање комплексни предизвици. IQUP! учениците имаат можност да учат преку искуство, да работат на реални проекти и да развиваат аналитички вештини кои се клучни за успех во СТЕМ-полето. Покрај тоа, нивните ментори – обучени IQ UP! едукатори – играат клучна улога во нивниот развој. Со поддршка, мотивација и индивидуален пристап, тие ги насочуваат учениците кон достигнување на нивниот полн потенцијал.

Патот кон финалето

Финалната фаза на Интернационалната СТЕМ олимпијада претставува уште поголем предизвик, каде што учениците ќе се соочат со задачи кои бараат иновативни решенија и многу знаење. Веќе се започнати интензивни подготовки за финалето, со цел IQ UP! учениците да бидат подготвени да ги покажат своите вештини и знаење и да се изборат за највисоките признанија.

Честитки за сите учесници!

Честитки до сите IQ UP! ученици што се натпреваруваа и покажаа исклучителни резултати! Нивниот успех е доказ дека со квалитетно образование, мотивација и труд, сѐ е можно. Им посакуваме многу среќа и успех во финалето! IQ UP! – Бидејќи иднината им припаѓа на иноваторите!