Исхраната богата со хранливи материи, зеленчук, овошје и друга здрава храна може да помогне во ублажувањето на симптомите на анксиозност. Такви намирници се масна риба, јајца, куркума, семки од тиква и друго.

Анксиозноста е широко распространета состојба што погодува милиони луѓе во светот. Симптомите варираат, а некои ги доживуваат повремено. Меѓутоа, ако траат шест месеци или подолго, може да станува збор за генерализирано анксиозно растројство (ГАР).

Храната и општото анксиозно растројство

Лекарите често го третираат ГАР со комбинација на терапии, вклучувајќи психотерапија, како што е когнитивно-бихевиорална терапија, и лекови. Сепак, понекогаш класичните терапии не даваат долгорочни резултати. Некои истражувања покажуваат дека правилната исхрана може да помогне во ублажувањето на симптомите. Преминувањето на поздрава исхрана, богата со хранливи материи може да им помогне на некои луѓе да се справат со симптомите на анксиозност. Исхраната, заедно со терапијата и лековите, може да биде корисна алатка за анксиозност.

Храна што ги ублажува симптомите на анксиозност

Риба

Лососот, скушата, сардината, пастрмката и харингата се богати со омега-3 масни киселини. Тие се поврзани со когнитивната функција и менталното здравје.

Омега-3 масните киселини содржат АЛА (алфа-линоленска киселина) и две есенцијални масни киселини: ЕПА и ДХА, кои ги регулираат невротрансмитерите, го намалуваат воспалението и се добри за здравјето на мозокот. Препораката е најмалку две порции риба неделно.

Лососот и сардините се меѓу ретките намирници што содржат витамин Д. Недостигот на овој витамин се поврзува со нарушувања на расположението и анксиозност.

Јајца

Жолчките од јајцата се добар извор на витамин Д. Јајцата се одличен извор на протеини бидејќи ги содржат сите есенцијални аминокиселини. Содржат триптофан, аминокиселина која помага во создавањето серотонин, невротрансмитер кој ги регулира расположението, спиењето, меморијата и однесувањето. Иако серотонинот од храната не ја преминува крвно-мозочната бариера, тој може да стимулира хемиски процеси во мозокот.

Семки од тиква

Тие се одличен извор на калиум, кој помага во регулирањето на електролитната рамнотежа и крвниот притисок. Истражувањата покажуваат дека ниските нивоа на калиум и магнезиум можат да бидат поврзани со покачен кортизол – хормонот на стресот. Тие, исто така, содржат цинк. Цинкот е важен за развојот на мозокот и нервите.

Темно чоколадо

Долго време се веруваше дека темното чоколадо помага во намалувањето на стресот и анксиозноста. Некои истражувања сугерираат дека може позитивно да влијае врз расположението преку врската помеѓу цревата и мозокот. Содржи флавоноиди кои ја намалуваат невроинфламацијата и го подобруваат протокот на крв. Исто така, богато е со триптофан и магнезиум, кои можат да помогнат со стресот.

Куркума

Оваа билка содржи куркумин – активна состојка со антиинфламаторни и антиоксидантни својства. Истражувањата покажуваат дека може да ја намали анксиозноста кај дебелите луѓе и да ги зголеми нивоата на ДХА во мозокот.

Камилица

Чајот од камилица е познат по своите смирувачки, антиинфламаторни и антиоксидантни својства. Флавоноидите од камилицата придонесуваат за неговите антианксиозни ефекти.

Јогурт

Јогуртот содржи корисни бактерии кои имаат позитивен ефект врз здравјето на мозокот. Ферментираните млечни производи можат да имаат антиинфламаторно дејство, што е корисно за анксиозност, стрес и депресија.

Зелен чај

Содржи теанин, аминокиселина со потенцијално смирувачки ефекти. Го зголемува производството на серотонин и допамин. Лесно се вклопува во дневната рутина како замена за газирани сокови, кафе или алкохолни пијалаци.

Бразилски орев

Богат е со селен, кој го намалува воспалението и го подобрува расположението. Исто така, бразилските ореви се антиоксиданси. Доволно се три до четири ореви дневно – поголеми количини можат да бидат штетни.

Друга храна што може да помогне со анксиозноста:

-мисирка и други намирници богати со триптофан (на пр., јајца, темно чоколадо, сирење, ананас, банани, овесна каша, тофу)

-бадемите се одличен извор на витамин Е

-семето од чија е добар извор на омега-3

-протеини од месо, риба, млечни производи и јаткасти плодови,

-спанаќ и блитва – богати со магнезиум,

-бобинки, цреши, цитрусни овошја.

Од друга страна, преработената храна може да ја влоши анксиозноста.

Исхраната богата со антиоксиданси, витамини и минерали може да ги намали воспалението и оксидативниот стрес, кои се клучни фактори во развојот на анксиозноста, но секогаш е најдобро прво да се консултирате со лекар ако забележите какви било симптоми.

Извор