Грешки на родителите што влијаат врз сонот на бебињата
Родителите, честопати од најдобри намери, паѓаат во стапици и наместо да го смират своето бебе и да го подготват за спиење, тие го расонуваат, го прават нервозно или плачливо. Повеќето од овие грешки може лесно да се поправат, но можеби е подобро да дознаете кои се тие и да ги избегнувате.
Еве 9 грешки што родителите најчесто ги прават:
Бебето нема ритам и навики пред спиење
Она што секогаш се зборува е дека на бебето му се наметнува одреден ритам уште од најраните денови. Доколку бебето нема никаков распоред, ако спие каде и кога ќе стигне, сигурно ќе имате проблеми со заспивањето, но и со честите ноќни будења. Важно е да запомните дека вие правите распоред за него, а не бебето за вас!
Премногу активности во текот на денот
Ако бебето е многу поактивно од вообичаено, тоа ќе го исцрпи и нема да може да заспие. Речениците „нека се измори, па да видиш како ќе спие“ не важат за бебињата!
Игнорирање на знаците на замор
Многу е важно да знаете како да ги препознаете знаците на замор кај вашето дете. Обично тоа е губење на вниманието, смирување, а потоа триење на очите. Ако има триење на очите, следниот стадиум подразбира неутешно плачење од умор, па затоа е важно да не го игнорирате она што ви го покажува вашето дете.
Спиење навечер во осветлена просторија
За да има квалитетен сон, на бебето му треба темна соба. Од друга страна, никогаш не затемнувајте ја просторијата во која спиете во текот на денот. Новороденото бебе нема ритам, не ја знае разликата помеѓу денот и ноќта, па вие треба да го научите. Процесот на спиење и будност кај бебето трае 3-5 месеци.
Доцно легнување или скратување на дневниот сон
Овие две работи можеби се најлошото нешто што можете да му го направите на вашето бебе. Многу родители се водат од фактот дека детето ќе заспие порано ако го лишите од попладневниот сон или дека ќе стане подоцна наутро ако легнува подоцна. Сето ова е сосема погрешно и може да предизвика контраефект.
Спиење во целосна тишина
Никогаш немојте целосно да го изолирате вашето бебе од бучава во текот на спиењето бидејќи тоа може да предизвика проблеми со спиењето подоцна во животот. Нека се навикне нешто да се случува околу него додека спие, особено во текот на денот.
