Кога бебињата гугаат, можеби им кажуваат на мајката и таткото како точно да разговараат со нив. Иако одамна е познато дека зборувањето со бебињата им помага полесно да го совладаат говорот, новото истражување покажува дека ученикот е главниот.

Истражувачите откриле дека кога бебињата гугаат, тие можат да го променат начинот на кој нивните родители комуницираат со нив, со што ја зголемуваат можноста за учење. Со други зборови, бебињата се вистински мали шефови, но на најслаткиот можен начин.

– Бебињата всушност го обликуваат своето опкружување така што им го олеснува учењето – објаснува коавторот на истражувањето, Стивен Елмлингер, студент по психологија на Универзитетот Корнел.

Докажано е дека таканаречениот „бебешки говор“ што родителите го користат, а тоа се покуси реченици, поедноставени зборови и зборување со побавен ритам и повисок тон, им помага на бебињата полесно да се фокусираат и да ги постават темелите на јазикот.

Иако многу помалку се истражува, истото важи и за самото гугање на бебето. Кога испуштаат звуци, тие на некој начин „излегуваат на површина“ од светот околу себе и во тоа се многу успешни. Истражувањето покажува дека како што бебето расте и го менува својот начин на гугање, така и мајката и таткото интуитивно го менуваат својот говор со бебето.

Ова укажува дека не влијаат само родителите врз децата, туку и децата ја менуваат комуникацијата на родителите.

Други истражувања откриваат дека кога бебето покажува интерес и гуга за одреден предмет, родителите најчесто почнуваат да зборуваат за тој предмет.

На пример, ако бебето гуга со кадифеното кученце, голема е веројатноста дека родителите ќе почнат да го повторуваат зборот „куче“ или ќе имитираат кучешки звуци. Тоа значи дека бебето несвесно го води разговорот.

Кој од кого учи?

– Знаеме дека начинот на кој родителите зборуваат влијае врз учењето на децата и тоа има логика. Но, исто така, знаеме дека и внатрешната мотивација на бебињата го менува начинот на кој учат. Она што досега не било доволно истражено е како бебињата можат да ги променат родителите или целото училишно опкружување. Токму на тоа работиме – вели Елмлингер.

За да добијат поширока слика за улогата на гугањето, научниците го анализирале однесувањето на 30 мајки и нивните бебиња. Се покажало дека кога бебето гуга, мајката му одговара со поедноставен јазик, а кога бебето е тивко, таа не го прави тоа. Колку повеќе родителите комуницираат со бебето на ваков начин, толку побрзо бебето ќе го совлада говорот.

Гугањето не е бесмислено

– Заклучокот е дека гугањето на бебето не е само случајно брборење. Тоа е начин бебето да извлече што повеќе информации од возрасните околу него. Тоа не е бесмислено – порачува Елмлингер.

Извор