Музиката е јазик што децата го разбираат уште пред да научат да зборуваат. Таа ги буди емоциите, ја развива имагинацијата и влијае врз целиот развој на детето – од концентрација и меморија, до моторни вештини и социјални вештини.

Затоа е важно да им се овозможи на децата да се запознаат со музички инструменти уште од рана возраст. Не станува збор за тоа секое дете да стане музичар, туку за развивање чувство за ритам, слух и креативност преку игра и тонови.

Еден од најдобрите инструменти за првиот музички чекор е металофонот, поради што ова е избор за првите часови по музичко образование во основно училиште. Неговите шарени плочки им го привлекуваат вниманието на најмалите, а едноставното свирење му овозможува на детето брзо да ги открие првите мелодии. Тоа не е само „играчка“, туку важна алатка за развој на музичкиот слух, координацијата и љубовта кон музиката.

Зошто металофонот е еден од првите музички инструменти за деца?

Лесен е за свирење – детето не треба да ги знае нотите за да го произведе тонот, доволно е лесно да удри на перкусиите.
Развива слух и ритам – преку игра детето препознава разлики во висината на тонот и учи да ја следи мелодијата.
Поттикнува концентрација и трпение – додека повторуваат кратки музички вежби, децата учат да ја следат и запомнуваат низата на тонови.
Приспособен е за мали раце – лесен, шарен и јасен, идеален е за првите музички чекори.

Извор