Непријатна нуспојава од царскиот рез за која веројатно никој не ви кажал е тоа што вашата лузна може да направи да се чувствувате непријатно по години откако сте се породиле.
Ако вашата лузна ве боли или ве чеша во моментот, сигурно се прашувате дали станува збор за сериозна појава?
– Вообичаено е лузната од царски рез да чеша и да боли години подоцна, но тоа не значи дека е нормално. Ако ви пречи тоа, дефинитивно треба да направите нешто – вели д-р Ешли Ролинс.
Истражувањата покажуваат дека болката или чешањето на местото на лузната е честа појава и дека симптомите се сметаат за нормални и можат да траат долго време откако раната ќе зарасне. Истражувањата покажуваат дека оваа хронична болка или чешање може да биде резултат и на промени во периферниот и централниот нервен систем, кои се слични на промените што се јавуваат кај другите видови хронична болка.
Иако механизмите што стојат зад развојот на хроничното чешање по царски рез се помалку разбрани од оние што стојат зад хронична болка, неодамнешното истражување сугерира дека секој тип на упорно чешање генерално се развива на ист начин: има промени во вашите нерви и мозок кои создаваат, интензивираат и одржуваат чувство на чешање.
– По царскиот рез, болката и чешањето може да се појават од повеќе причини. Точната причина не е секогаш лесна за утврдување и најверојатно ќе биде поинаква за секоја личност. Општо земено, причините за болка и чешање можат да бидат поврзани со состојбата на кожата или самата лузна, промени во нервниот систем, па дури и психијатриска состојба – вели Ролинс и додава дека во раните фази на заздравувањето на раните, нормално е да се доживее болка и чешање кои треба да се подобрат со зараснувањето на раната. Со воспалението кое се јавува при раното заздравување на раните, телото ослободува хемикалии, вклучувајќи хистамини кои можат да придонесат за чувството на чешање.
Ако има какви било нарушувања во процесот на заздравување, како што се повторувани повреди или дури и лоша исхрана, воспалението може да продолжи, па дури и да доведе до абнормално или одложено заздравување на раните, прекумерно ткиво со лузни или атхезии (кога ткивото на лузна се спојува со места во телото кои не би требало да бидат заедно), сето тоа може да ја зголеми шансата вашите симптоми да станат хронични.
Што да направам за да ги прекинам болката и чешањето?
Ако и понатаму имате чешање и болка години по царскиот рез, физикалната терапија е одлична опција за подобрување на симптомите и што е најважно, таа не вклучува операција или лекови. Едно истражување покажало намалување на болката кај жените што имале царски рез шест до девет години порано, откако ги третирале своите симптоми со техники за ослободување на миофасцијални лузни што се користат во физикална терапија.
Дали постои начин да се спречат болката и чешањето?
Спречувањето на болката и чешањето на лузнат идеално ќе започне со соодветна нега на раната по операцијата. Заштитете ја раната и внимателно следете ги упатствата на вашиот лекар за да поттикнете процесот на заздравување да продолжи што е можно понормално.
912