Зошто никогаш не треба да ги бакнувате бебињата, особено на главата, објаснува клиничкиот микробиолог д-р Каран Раџ од Националниот центар за здравје во САД, врз основа на резултатите од студијата и опсежното истражување на темата, нагласувајќи дека оваа навика е сериозен ризик за здравјето на бебињата.

Некои вообичаени, секојдневни навики кои се нормални за возрасните може да бидат многу опасни за бебињата. Едно од најопасните е бакнувањето на бебињата, особено на образот, во близина на устата.

Д-р Каран Раџ, хирург, се огласил на социјалните мрежи да ги предупреди луѓето за опасностите од бакнувањето бебе.

Кон крајот на минатата година британската добротворна организација „Фондација лале“ објавила дека околу 54 отсто од родителите им дозволувале на членовите на семејството и пријателите да ги бакнуваат нивните деца, несвесни дека инфекциите се закана за бебето.

Зошто не е добро да се бакнува новороденче?

Бебињата немаат развиен имунолошки систем, па ризиците за здравјето се поголеми.

Во првите три месеци имунолошкиот систем на бебето има помалку вродени имунолошки клетки кои се борат против инфекцијата, како што се неутрофили и моноцити, во споредба со возрасните, што значи дека инфекциите кои предизвикуваат благи симптоми кај возрасни или постари деца може да бидат опасни за здравјето, а понекогаш дури и за животот на новороденчето.

Најчест пример е херпесот, кој спаѓа во групата на вирусни инфекции. Тој може да влијае врз органите на бебето, а тоа може да биде фатално. Бебињата се имунолошки незаштитени во првите четири недели.

Ако бебето живее со постари браќа и сестри, тие исто така можат да донесат некои инфекции кај доенчето и да го ослабат веќе недоволно развиениот имунолошки систем на детето.

Бебињата се подложни на ешерихија коли и стрептококи од групата Б

Некои од бактериите живеат во дигестивниот и гениталниот тракт без ние да го сфатиме тоа бидејќи немаме никакви симптоми. Некои од овие бактерии може да предизвикаат сепса, менингитис, пневмонија кај бебињата…

На родителите им останува да го заштитат своето дете и да не го изложуваат на опасностите од бакнежите. И секако, важно е да ги миете рацете пред да го посетите бебето, како и да ја избегнете лошата навика да го посетувате бебето во првиот месец по раѓањето.

Извор