Многу родители ја слушнале фразата – спуштете го вашето бебе во креветче да спие додека е поспано, но сè уште будно. Меѓутоа, во практика тоа е малку поразлично и на некои родители не им се допаѓа овој принцип. Штом ќе го стават бебето во креветчето, тоа почнува да вреска, а истото правило никогаш не може да важи за сите, па така е и во овој случај.

Разговорот со други родители за тоа како да го заспиете вашето бебе може да биде речиси еднаков раздор како и разговорот за религија или политика.

Истражувачите и лекарите објасниле дека секое семејство има свои правила, а природниот темперамент, возраста и начинот на хранење на бебето се меѓу многуте фактори што влијаат врз неговиот сон. Бебињата често ги менуваат шемите на спиење, од недела во недела или од месец во месец, и може да им треба одредено време за да научат сами да заспијат. Околината на бебето, исто така, влијае врз тоа како спие – браќата и сестрите, бучавата, активностите тој ден и стресот може да играат улога. За возврат, семејните околности можат да влијаат врз тоа како се перципира ритамот на спиење на бебето.

Разбирање на навиките за спиење на вашето бебе

Спиењето се случува во циклуси. Лежиме будни, паѓаме во лесен сон, потоа во длабок сон, пред да се вратиме во будност и така натаму. За возрасните, еден од овие циклуси трае околу 90 минути. За бебињата и децата, тоа е за околу половина подолго. Секогаш кога влегуваме во циклус на лесен сон, можеби накратко ќе се будиме, но со оглед на тоа дека сме возрасни и одамна сме ги усовршиле овие вештини, релативно лесно се враќаме и тонеме во нов циклус. Бебето, од друга страна, мора да научи да ги поврзува циклусите на спиење за да спие подолго и помирно. Ако научи да се смирува, може да ги поврзе сопствените циклуси на спиење. Ако не, можеби ќе му треба помош по секој лесен циклус на спиење.

Во првите шест месеци бебињата се будат релативно често во текот на ноќта за да јадат и да добијат доволно хранливи материи за раст. По првите неколку месеци од животот, заспивањето ќе вклучува асоцијации, некои познати и воспоставени обрасци кои се повторуваат пред спиење и може да го подготват бебето за мирен сон. Тоа може да биде вечерна бања, гушкање со родителите или тивка музика.

Извор