Постои разлика помеѓу условна и безусловна љубов. Условната љубов доаѓа со листа или очекување за исполнување одредени критериуми. Сепак, безусловната љубов значи да сакаш некого онаков каков што е, целосно.

Иако понекогаш може да биде предизвик да се препознае безусловната љубов на мажот, постојат знаци кои можат да ни помогнат. Семејната и брачната советничка Тина Феј издвои неколку такви знаци.

Ве прифаќа целосно, вклучувајќи ги и недостатоците

Во свет во кој често се очекува од нас да бидеме совршени, безусловната љубов може да биде освежувачка.

Кога мажот те сака безусловно, тој те прифаќа онаква каква што си. Тој не очекува од тебе да бидеш некоја друга и ги прифаќа сите твои недостатоци и доблести – вели Феј.

Со вас е во најтешките моменти

Безусловната љубов не значи да се биде до вас само во добри времиња, туку и да се остане со личноста и во лоши времиња.

– Вистина е дека мажот кој те сака безусловно ќе биде тука за тебе кога ќе се соочуваш со животните бури – вели Феј.

Ве слуша

Во секоја врска комуникацијата е клучна. Но, не се работи само за зборување, туку и за слушање.

– Кога мажот ве сака безусловно, тој не само што ве слуша, туку и ги цени вашите мислења. Тој не ги отфрла вашите идеи или чувства, туку ги зема предвид при одлуките што ве засегаат и двајцата – забележува Феј.

Ги поддржува вашите соништа и цели

– Без разлика дали се работи за кариера, лична цел или дури и необично хоби, мажот кој ве сака безусловно ќе ви биде најголем поддржувач. Ќе ве охрабри, ќе ви помогне секогаш кога ќе може и ќе ги прослави вашите достигнувања со вас – тврди Феј.

Сите ние имаме соништа, амбиции и цели. Меѓутоа, кога некој нè сака безусловно, тој не само што ги признава овие соништа, туку и ги поддржува.

Ја почитува вашата автономија

Во врската не се работи за губење на индивидуалноста, туку за одржување тимска врска со партнерот.

– Кога мажот ве сака безусловно, тој ја почитува вашата автономија. Тој разбира дека сте личност со свои интереси, пријателства и потреби. Не се обидува да го контролира или диктира вашиот живот врз основа на неговите преференции – заклучува Феј.

Извор