Доаѓањето на бебето дома е возбудлив момент, но може да биде и стресен поради многу причини. Една од нив е грижата дали бебето може да се разболи и како да се препознаат симптомите. Понекогаш е тешко да се забележи што е „ненормално“, па затоа е важно да ги знаете знаците дека бебето е болно.

Кога да се јавите кај матичниот лекар?

Јавете се кај педијатарот на вашето бебе во редовното работно време ако бебето:

• Јаде помалку од вообичаено или има други промени во апетитот;
• Редовно плаче, иритирано е или не може да се утеши;
• Има честа дијареја, повеќе од 6 пелени во денот;
• Нема столица неколку дена;
• Повраќа често или повеќе од 2-3 пати во денот;
• Има настинка што не се подобрува или се влошува по неколку дена;
• Исип;
• Помалку од 6 мокри пелени во 24 часа;
• Истекување течност од ушите;
• Болка/црвенило, крвавење или гној од папокот;
• Побледа кожа од вообичаено;
• Помалку е активно од вообичаено.

Дали може да е ротавирус?

Оваа честа болест предизвикува силна дијареја, повраќање, температура и/или болки во стомакот. Ако бебето има ротавирус, следете ги упатствата на лекарот за тоа што треба да јаде и пие.

Веднаш јавете се ако бебето има:

• Течна дијареја;
• Мачнина и повраќање;
• Температура над 38 °C во првите 3 месеци, над 38,3 °C помеѓу 3 и 6 месеци или над 39,5 °C на 6 месеци;
• Ако се сомневате на инфекција на уво.

Симптомите се:

• Бебето си ги влече ушите;
• Има проблем да лежи на една страна или да заспие;
• Има проблем со хранење;
• Необично е нервозно, има треска, паѓа или има проблем со рамнотежата.

Други знаци се: тешкотии во слушањето тивки звуци или истекување течност од ушите.

Важно: Никогаш не давајте аспирин на бебе, дете или тинејџер со температура без консултација со лекар. Аспиринот може да предизвика ретко, но опасно нарушување наречено Рејев синдром кај деца со вирусни инфекции (настинка, грип, овчи сипаници).

Жолтица – кога е итно

Веднаш јавете се ако бебето:

• Изгледа многу жолто, портокалово или зеленикаво-жолто;
• Тешко се буди или воопшто не спие;
• Има проблеми со цицање или пиење млеко;
• Нервозно е;
• Има премалку мокри пелени;

Дехидрација – потребна е итна медицинска помош

Веднаш јавете се кај лекар или одете во ургентен центар ако бебето:

• Нема мокра пелена неколку часа;
• Има сува уста;
• Нема солзи кога плаче;
• Зголемена жед;
• Потоната фонтанела или очи;
• Нервоза или летаргија.

Направете план за итна медицинска нега

Пред да се појават симптоми, направете писмен план за итна нега. Чувајте примероци дома и во торбата за бебето, и дајте му копија на секој што се грижи за него.

Планот треба да содржи:

• Име и датум на раѓање на бебето;
• Медицински состојби;
• Лекови што ги прима;
• Алергии (лекови, храна и др.);
• Преферирана или ограничена храна;
• Ваши контакт-информации;
• Податоци за матичниот лекар и специјалисти со телефонски броеви;
• Податоци за здравствено осигурување;

Извор