На повеќето парови им треба и до една година за да го зачнат своето прво дете. Иако не изгледа многу долго време, чекањето може да им изгледа како цела вечност на сите жени што едвај чекаат да станат мајки.
За работите да бидат уште полоши, некои жени мора да се соочат со фактот дека им е потребна медицинска помош, што во голема мера го продолжува процесот. Но, за разлика од првиот пат, нашироко се верува дека забременувањето по втор пат е многу полесно. А еве како тоа го објаснуваат научниците.
Вашето тело веќе еднаш го направи тоа успешно.
За да може жената да забремени, нејзиното тело мора да биде составено како сложувалка. Имено, на телата на жените им е полесно да повторуваат дејства. Само поради тоа што клетките „се сеќаваат“, на жената ѝ е полесно да забремени повторно бидејќи нејзиното тело веќе знае што да прави.
Првата бременост може да ја „ресетира“ вашата плодност
Доста парови се борат со нешто што се нарекува „секундарна неплодност“ или повторно зачнување по првата бременост. Сепак, според најновите истражувања, породувањето понекогаш може да ја „ресетира“ плодноста на парот. Всушност, повеќекратните истражувања укажуваат на корелација помеѓу подобрената плодност и втората бременост, а има неколку причини зошто може да се појави ова „ресетирање“.
Прво, бременоста го зголемува протокот на крв во матката, што може да придонесе за плодноста. Исто така, промените во телото за време на бременоста и по породувањето предизвикуваат флуктуации на нивото на хормоните кај жената или промени во анатомијата на репродуктивниот систем, што исто така може да ги зголеми шансите за повторно зачнување дете.
Иако ова не е случај за сите, експертите велат дека секоја трета жена го доживува ова „ресетирање“ на плодноста што ѝ помага повторно да забремени без никаква интервенција, што исто така објаснува зошто многу жени велат дека им било многу полесно да забременат по втор пат.
Подобро го разбирате вашето тело
Бременоста е комплицирана, а чинот на зачнување бара неколку работи да се спојат токму во вистинскиот момент. За жал, голем дел од жените не го разбираат својот месечен циклус и кога се плодни.
Меѓутоа, откако ќе носите бебе девет месеци, ќе имате многу подобро чувство за вашето тело и, со информации и искуства од реалниот живот, многу подобро разбирање за плодноста и бременоста. Ова на крајот може да им помогне на жените да знаат кога овулираат, со што се олеснува забременувањето.
Иако овој принцип не функционира секогаш, постојат неколку логични причини зошто е полесно да забремените по втор пат.
912