Министерот за здравство Венко Филипче по денешната посета на поликлиниката во Шуто Оризари изјави дека вакцинацијата за децата ќе мора да се закажува на www.vakcinacija.mk.

– Мора да биде така бидејќи она што е важно е дека во една вијала на вакцината на „Фајзер“ има шест дози, што значи дека кога ќе се отвори, треба да се вакцинираат 6 деца. Затоа е потребно да се направат термини. Родителите ќе може да го направат пријавувањето до четврток, а од петок ќе почне вакцинацијата на младите од 12 до 16 години – рече министерот Филипче.