Клер Хендерсон од Ворсли, Манчестер, презела екстремни чекори за да ги забавува своите деца. Некои мислат дека отишла предалеку бидејќи го обоила кучето со зелен спреј.

„Што му направила на кучето?!“ – е само еден од коментарите. Друг напишал: „Не е здраво за кучето да биде обоено со спреј!“ Трет корисник коментирал саркастично: „Ги охрабрува децата да ги прскаат ѕидовите и кучето. Многу паметно?!“

„Elf on the Shelf“ е традиционална божиќна бајка во која децата секое утро гледаат дека новогодишното џуџе се наоѓа во различна ситуација – сè до Божиќ.

Тоа била поентата на мајката, да ја реализира практично оваа бајка. Клер е мајка на 3 деца и објаснила дека сакала да им приреди трикови на нејзините постари деца Џејден (12) и Харли (7). Тука било вклучено прскањето со спреј на семејното возило „ренџ ровер“ со зборот „Elves“.

Исто така, ја исполнила дневната соба со графити кои наводно ги напишале џуџињата: „Зошто вашата куќа е толку неуредна? Ние помогнавме! Џуџињата се закон!“

За среќа, Клер тврди дека не била направена поголема и трајна штета во домот.

Автор: Џејми Даунам

Извор