За да му обезбедите на организмот доволно витамини, важно е да знаете каде се наоѓаат, за што служат и што го уништува нивното дејство. Еве краток преглед на најважните витамини:

Витамин А

Одговорен е за помлад изглед на кожата, здрава коса и нокти, добар вид и силни коски.

• Извори: морков, цитрусно овошје, сирење, млеко, јајца, риба, магдонос, спанаќ и црн дроб.
• Важно: го уништуваат висока температура и долготрајно чување.
• Доза: 0,4 до 1 mg дневно (на пр., во 100 г јунешка паштета).

Витамин B1

Важен е за работата на мозокот, варењето, здрави мускули, срце и квалитетен сон.

• Извори: пивски квасец, свинско месо, јаткасти плодови, овесна каша и мешунки.
• Важно: го уништуваат долгото готвење, додавањето сол при варење и пиењето кафе за време на оброкот.
• Доза: 1,3 до 2,6 mg (една свинска шницла).

Витамин B2

Заслужен е за регенерација на клетките, добар вид и здрави мускули.

• Извори: млеко, бадеми, јајца, печурки, хељда, урда, квасец и месо.
• Важно: го уништуваат светлината и чувањето на ладно место.
• Доза: 1,3 до 3 mg (две кокошкини јајца).

Витамин B5

Помага за подобра меморија, добро расположение, брзо закрепнување по болест и здрави крвни садови.

• Извори: пилешко, жолчка, млечни производи, мешунки, јаткасти плодови, брокула и овесна каша.
• Важно: го уништува повторното замрзнување на храната.
• Доза: 5 mg (100 g свински црн дроб).

Витамин B6

Заслужен е за подмладување на телото, јак нервен систем и здрави крвни садови.

• Извори: житарици, пченични никулци, зелена салата, зелка, банани, ореви и лосос.
• Важно: го уништува долготрајна изложеност на светлина.
• Доза: 1,6 до 2 mg (300 g говедско месо).

Витамин B12

Важен е за одржување нормална тежина, добар имунитет, меморија и здрав дигестивен тракт.

• Извори: соја, спанаќ, риба, млеко, сирење, јајца и разни видови месо.
• Важно: го уништуваат високи температури и светлина.
• Доза: 2 до 5 µg (микрограми) – (се наоѓа во 100 g лосос).

Витамин С

Најпознатиот витамин за мазна кожа, силен имунитет, добро расположение и здрава коса.

• Извори: цитрусно овошје, шипка, црвено овошје, карфиол, грашок, киви и аспарагус.
• Важно: готвењето го уништува неговото дејство.
• Доза: 70 mg (се наоѓа во половина портокал).

Витамин D

Заслужен за здрави коски, правилно згрутчување на крвта, заштита од настинки и детоксикација.

• Извори: сирење, путер, жолчка, риба, морски плодови, компир и говедско.
• Важно: готвењето го уништува.
• Доза: 2 до 5 µg (микрограми) – (две кокошкини јајца).

Витамин Е

Омилен меѓу жените бидејќи помага за подмладување, работа на репродуктивните органи и заштита од загадување.

• Извори: сончогледово масло, пченка, семки од тиква, маслиново масло, јаткасти плодови и млечни производи.
• Важно: го уништува долготрајно чување.
• Доза: 30 до 50 mg (една лажица нерафинирано масло).

Витамин К

Важен за брзо заздравување на раните, нормално згрутчување на крвта и јаки коски.

• Извори: спанаќ, коприва, магдонос, шипка, зелка, карфиол, домат, јагоди и зелен чај.
• Важно: го уништуваат долготрајна подготовка и изложеноста на светлина.
• Доза: 1 до 2 mg (две лажици магдонос).

Извор