Кога избираме кариера, ретко размислуваме за нејзиното влијание врз нашиот приватен живот. Сепак, според податоците на американската адвокатска канцеларија „Петрели Превитера“, одредени професии носат значително поголем ризик од брачни несогласувања и развод. Причината за тоа не се само работните обврски, туку и долгото работно време, високиот степен на стрес и финансиските притисоци.

Според статистичките податоци, вработените во казината водат со највисока стапка на разводи, која достигнува дури 52,9%. По нив се келнерите со 52,7% и стјуардесите со 50,5%. Работното време и природата на работата во овие професии се чини дека го отежнуваат одржувањето стабилна врска. На списокот има и работници во обложувалници, работници во кол-центри, текстилна индустрија и програмери.

Што предизвикува раздор помеѓу работата и личниот живот?

Долгите часови на работа, нередовниот распоред, одговорноста и променливата работна средина влијаат врз стресот и финансиската стабилност. Поради овие фактори, незадоволството од работата често се пренесува во приватниот живот, што доведува до несогласувања и ги нарушува брачните односи.

Иако секоја професија има свои предизвици, важно е да се најде рамнотежа помеѓу работата и личниот живот. Разбирањето и поддршката на вашиот партнер, како и проактивното решавање на проблемите на работа, може да помогне да се одржи квалитетна врска и покрај напорната кариера.

Извор