Сигурно знаете дека трите најважни предмети до 12 години се музика, уметност и физичко образование. Ако размислите за тоа дека детето уште пред да научи да пишува умее да црта, пред да научи да зборува умее да пее, а пред да прооди умее да игра, тогаш веќе знаете дека самата природа испратила порака за тоа што е најважно во првите години од животот. Покрај безбедноста и љубовта, на децата им требаат можности да ги развијат својот дух и тело.
![](https://deca.mk/wp-content/uploads/2024/07/1belgrad-gradinka-22-7.png)
Првата уметничка градинка во Белград – „Тачка сурета“ се наоѓа во самото јадро на градот. Но, она што ја прави особено „уметничка“ не е локацијата, туку самата зграда во која се наоѓа, како и сосема уникатниот начин на работа.
Самиот простор е инспиративен, динамичен и полуструктуриран и како таков поканува на креативност, слобода, храброст, оригиналност и критичко размислување. Во место каде што активно се поттикнува развојот на креативноста и културната свест кај сите генерации, преку организирање концерти, монодрами, промоции на книги и разни едукации за млади и возрасни, децата од предучилишна возраст имаат идеална можност да го развијат својот потенцијал во реален културен и уметнички контекст.
![](https://deca.mk/wp-content/uploads/2024/07/belgrad-gradinka-22-7-1.png)
Освен што го стимулира развојот на децата однадвор, како еколошки фактор, уметноста функционира и однатре, од самото дете, преку креативни процеси и активности.
Оваа градинка се разликува и по тоа што покрај основната програма, нуди и голем број специјализирани активности за развој на извонредност во посебни гранки на уметноста. Така, децата кои имаат склоност кон, да речеме, сликање, денот го поминуваат поинаку од децата што преферираат музика.
![](https://deca.mk/wp-content/uploads/2024/07/2belgrad-gradinka-22-7.png)
Стручниот тим на установата го сочинуваат педагози, психолози, дефектолози, применети уметници, асистенти по музика и драма, едукатори и медицински сестри, соработници од областа на природните науки, кои заедно ја планираат и спроведуваат програмата, обезбедувајќи интердисциплинарен пристап кон учењето.
912