Дополнителни десет отсто покачување на платата ветува Владата за наставниците. Овој предлог падна на денешната средба помеѓу министерот за образование и наука Арбер Адеми и претседателот на СОНК, Јаким Неделков. На средбата присуствувал и премиерот Зоран Заев. Предлогот е оваа плата да се добие почнувајќи со априлската плата наредната година во основните и во средните училишта во земјава.

На почетокот на преговорите наставниците бараа 25 отсто, но дали ќе се согласат со вкупно 15 отсто, сосе покачувањето од по 5 отсто што го добија со септемвриската плата, ќе се знае наредните денови.

Неделков вели дека како синдикалец не е задоволен.
– Се разбира дека секогаш може и повеќе. Утре ќе имаме состанок на советот на СОНК, на кој ќе бидат пренесени сите предлози и заклучоци. Следна фаза е да се изјаснат регионалните синдикати и да донесеме конечна одлука – вели Јакимов.