Вирална снимка: Новороденче старо неколку часа ја крева главата за да ја погледне својата мајка
Видео кое ја прикажува нераскинливата врска помеѓу мајката и детето трогна многу корисници на интернет.
Во виралното видео новороденчето старо само неколку часа се потпира на градите на мајка си, а потоа ја крева главата за да ја погледне. Краткото видео собра милиони прегледи и многу коментари.
Иако сцената е трогателна и емотивна, новороденчињата не можат сами да ја држат главата нагоре. Ако тоа се случи, постои сомневање за хипертонус, кој може да влијае врз мускулатурата на целото тело. Бебињата кои страдаат од хипертонија често се опишуваат како невообичаено цврсти, но од друга страна, тие може да имаат проблеми со одржувањето на рамнотежата, што доведува до чести паѓања или одење на прсти.
Во вакви ситуации се препорачува консултација со физијатар, кој ќе ја процени состојбата на детето и по потреба ќе предложи терапија и вежби.
