Видео: Воспитувачка во градинка воодушевува со начинот на кој ги мотивира децата
Воспитувачка во градинка во Охајо, САД, испеала песна со нејзините ученици и за тоа добила пофалби онлајн, а нејзиното видео станало вирално.
Видеото било споделено на „Инстаграм“, а во него учителката Моник Ватерс заедно со учениците ентузијастички пее:
„Јас сум силен/а. Јас сум талентиран/а. Јас сум паметен/а. Јас сум специјален/а“.
Видеото содржи и моменти кога Ватерс бара од нејзините ученици да го бакнат својот „паметен мозок“.
Според нејзината објава, таа и учениците ги пеат овие позитивни реченици секое утро пред да го започнат денот.
– Утринскиот состанок е специјален дел од денот. Го одредува темпото на денот и е навистина одличен почеток!
Овие афирмации се инспирирани од песната – Јас сум. Ја пееме секој ден, а на моите ученици многу им се допаѓа – вели таа.
Погледнете го видеото:
Автор: Трендс Деск
