Првите чекори на едно дете се моменти што остануваат засекогаш со секој родител. Иако родителите сакаат да бидат покрај своето дете во тие незаборавни мигови, животните околности понекогаш не го дозволуваат тоа. Но, најважно е детето да се чувствува сакано и поддржано – без разлика кој е со него во тој момент.

Мајката Лорен Понтиф го пропушти овој посебен настан, но имаше среќа што нејзината ќерка беше во сигурни раце кога ги направи првите чекори. Видеото што го сподели прикажува преслатка сцена во која негувателката во градинката со неизмерно воодушевување реагира на овој значаен момент.

Додека беше зафатена во играта со друго дете, негувателката во еден момент забележа дека ќерката на Лорен станува и се обидува да оди. Штом сфати што се случува, остави сè друго и со воодушевување почна да плеска, охрабрувајќи го девојчето да продолжи да чекори кон неа. Кога малото девојче конечно стигна до неа, го подигна во прегратка и го стегна силно, не криејќи ја среќата што беше сведок на овој волшебен момент.

Извор