Секоја земја има своја традиција, а Корејците сакаат да знаат што им предодредила судбината на нивните деца. Затоа за првиот роденден на детето ставаат пред него шест предмети, а тој што ќе го избере детето открива која е неговата судбина.

Едно семејство одлучило на „Тик-ток“ да покаже како изгледа тој посебен момент. Тие го облекле својот син Хадсон во ханбок – традиционална корејска облека и го пуштиле да оди кон предметите – мала кошаркарска топка, пари, книга, стетоскоп, микроскоп, маркер. Хадсон го зема микроскопот и го става в уста.

„Науката ќе биде неговата судбина“, гласи описот на видеото кое собра 1,4 милион лајкови. Корисници од целиот свет споделувале и за традициите во нивните земји.

„И во Бугарија го правиме истото, но кога детето ги прави првите чекори“, „Исто е и во Романија“, „Ние во Турција го правиме тоа кога ќе му изникне првиот заб на бебето, не знаев дека другите земји ја негуваат оваа традиција“, напишале тие во коментарите.

Извор