Двегодишниот Меклин Питман станал сензација откако го зел мобилниот телефон на својот татко на свадба и го снимил неговиот енергичен танц. Малиот Меклин присуствувал на свадбата на својот вујко, со неговите родители Џим и Џеси Питман, а семејството уживало во танцување на подиумот. Во еден момент момчето истрчало до својот татко и го грабнало неговиот мобилен телефон, што било снимено на видео споделено на „Тик-ток“ од страна на неговата тетка.

@corypea Vibez. #baby #funny #wedding #dance #toddler #hilarious #turndownforwhat #liljon #party #stolenphone ♬ Turn Down for What – DJ Snake & Lil Jon

Гордиот татко вели дека виралното видео, кое досега е прегледано повеќе од 39,5 милиони пати, совршено ја доловува уникатната личност на Меклин.

-Тој е најзабавното мало момче, и не го велам тоа само затоа што е мој син. Каде и да оди, зборува и се смее и ги радува луѓето околу него. Таков е, заразен е во таа смисла. Видеото е урнебесно. Но, не можам да кажам дека се изненадивме – тоа е едноставно тој – заклучил таткото.

Извор