Децата секогаш се расположени за создавање креативни дела, па овие шарени велигденски проекти се совршен начин за заедничка забава. Извадете ги на маса сите креативни материјали што ги имате дома и изберете проект што ќе одговара на возраста на вашето дете.

Картонски јајца украсени со памучна волна или ластичиња

Исечете форма-јајце од картонот. За помалите деца исечете поголемо јајце и дополнително исечкајте го работ од јајцето. Потоа на детето дајте му ластичиња во различна боја за да го украси. Овој проект е идеален за вежбање на фините моторички вештини. На постарите деца дајте им конец за да прават интересни дезени.

Сложувалка во форма на јајце

За оваа сложувалка се потребни две големи парчиња картон, ножици и малку боја за украсување. Првиот картон користете го како основа, а на вториот нацртајте јајце и исечете го. Јајцето поделете го на најмалку три различни ленти кои се вклопуваат. Обојте ги, украсете ги и спојте ги за да формирате јајца.

Честитка со морков

Ако сакате да ги израдувате пријателите и семејството со празнични честитки, ова е интересен предлог. За оваа честитка потребна ви е хартија во боја, лепило и маркери. Исечете ја двојно превитканата портокалова хартија во форма на морков. Додајте зајаче со уши од горе, а деталите нацртајте ги со фломастери. Напишете убава порака и израдувајте ги вашите најблиски.

Честитка со пилиња

Преклопете два круга на половина, а потоа залепете ги половините со лепило за хартија. Не заборавајте да вметнете знак некаде во средината. Залепете пиле на првата и последната половина. Додајте трева во долниот дел.

Кошница за јајца

Направете слатка корпа за јајца од голема картонска чаша. Исечете што е можно повеќе украсни детали од обоена хартија или колаж-хартија. Наредете ги на целата површина и залепете ги. Рачки направете од кадифена жица и украсете ја со мониста.

Пиши-бриши табла

За да направите ваква табла, потребен ви е картон, отпечатен шаблон со вкрстени јајца, селотејп и фломастери. Исечете ги јајцата од шаблонот и залепете ги на картон. Прецизно залепете широка лента по целата површина. Комплетирајте со картонска рамка и украсувањето може да започне.

Извор