Замислете некој да ја лажира својата бременост. Замислете некој да го лажира своето породување и да им го претстави „своето дете“ на сите, вклучувајќи го и своето семејство и таткото на „детето“. Поточно, на човекот на кого му било кажано дека е татко на детето. И замислете потоа да каже дека „детето“ починало. Звучи како некоја приказна од филм, но се работи за приказна што навистина се случила.

Шкотланѓанка по име Кира Казинс, или поточно нејзината приказна станала вирална откако таа ја лажирала својата бременост, а потоа се обидела да го убеди своето семејство и пријателите дека куклата која била реалистична е нејзината „ќерка“, која ја крстила Бони-Ли Џојс. Во еден момент, таа дури организирала забава за откривање на полот со своите пријатели и семејството. Кира Казинс е 20-годишна жена од Ердри, Шкотска, за која неодамна било откриено дека со месеци носела протетски стомак за да ја лажира својата бременост, а потоа да се преправа дека „бебето“ починало.

„Бебето“ всушност била кукла „Риборн“, позната по тоа што изгледа исто како вистинско бебе. Таа ја користела оваа кукла за да се обиде да ги убеди своите пријатели, семејство и „таткото“ на бебето – маж по име Џејми – дека станала мајка. Приказната ја споделиле многумина, вклучувајќи го и „Космополитен“. Таа ги убедила сите. Приказната првпат почнала да кружи на социјалните мрежи кога жена која тврдела дека е пријателка на Кира, по име Нив Мекроберт, објавила повеќе видеа и снимки како доказ за лажната бременост. Мекроберт вели дека таа ја поддржувала Казинс со месеци, дури и ги возела неа и „бебето Бони-Ли“ да се сретнат со колегите на младата мајка откако се родило „бебето“. Мекроберт тврдела дека Казинс ја пикнала куклата под покривките и им кажала на колегите дека „бебето“ спие, а тие ѝ давале пари и ѝ честитале за бебето.

@neavemcrobert

❌❌Kira cousins Bonnie-Leigh ❌❌

♬ original sound – NeaveMcrobert

Маж по име Џејми исто така бил жртва на нејзината измама. Тој верувал дека е татко на Бони-Ли некое време, а Казинс го критикувала на својот профил затоа што ја замолил да размисли за прекинување на бременоста во одреден момент. Мекроберт во својата објава на „Фејсбук“ за ситуацијата изјавила дека Казинс ја водела измамата со месеци.

-Таа направи забава за откривање на полот – јас, мајка ми и внука ми отидовме! Ѝ купив подароци, таа доби МНОГУ подароци за нејзината „кукла“. Никој не помисли дека не е бремена или дека ги лаже сите! – рекла Мекроберт.

Кога се „породила“, Казинс не дозволила никој да го допре бебето, како што раскажала Мекроберт, но сите претпоставувале дека таа е само претерано заштитнички настроена поради нејзиното неодамнешно породување и сè низ што поминала.

@neavemcrobert

❌❌KIRA COUSINS AND BONNIE-LEIGH ❌❌

♬ original sound – NeaveMcrobert

Дали „бебето“ починало?

Во еден момент, Мекроберт забележала дека Казинс ги избришала сите фотографии и видеа од нејзините профили на социјалните мрежи и ги игнорирала нејзините прашања. Потоа Мекроберт го контактирала „таткото на бебето“ и го прашала дали бебето е всушност кукла, на што тој одговорил потврдно. На ова му претходела драмата во која Казинс ѝ кажала на Џејми дека бебето починало.

На „Инстаграм“ се појавил профил со името Кира Казинс, на кој таа наводно се извинила, но сè уште не е сосема јасно дали навистина се работи за нејзин профил.

-Знам колку е лошо, згрешив. Едноставно не знаев како да престанам кога почнав. Немам вистински изговор. Не бев расположена, но тоа не го претвора она што го направив во ред. Знам дека ова ќе ми остане во сеќавање долго време и дека веројатно изгубив пријатели што никогаш нема да ги вратам – е само дел од пораката објавена на овој профил.

Автор: Наташа Крстичевиќ

Извор