Го знаеш ли чувството кога ќе се разбудиш среде ноќ, ладно ти е, а пелената ти е тешка? Има толку многу чудни звуци околу тебе, темно е и страшно. Чувствуваш удар во главата и излегува дека сам си се удрил со рака по главата. Немаш контрола над твојата рака; се врти и те чеша по лицето и ти ја кубе косата. Нозете почнуваат да ти клоцаат и го тргаат ќебето иако ти е ладно; Се обидуваш да ги спречиш, но тие имаат своја волја. А ти лежиш таму, со нестабилни екстремитети кои сакаат да прават сѐ освен она што ти сакаш да го правиш.

И не можеш да ја најдеш мама. Ја викаш и чувствуваш голем страв. Што ако таа не дојде? Не можеш да замислиш ништо полошо и почнуваш да плачеш затоа што ужасно ти недостига. Никогаш не си се чувствувал осамен како во тој момент.

И одеднаш таа се појавува. Стоејќи покрај твојот кревет и гледајќи во тебе со грижа и љубов. А таа е најубавото нешто што си го видел. Ти ѝ се насмевнуваш со среќа и олеснување. Никогаш не си бил толку среќен како во тој момент.

Таа те крева и те држи. Мириса на млеко, и сигурност и љубов. И тоа е најбогатиот мирис на целиот свет.

Топло е и безбедно и меко, а рацете те галат, те хранат и ти ја шепоти омилената песна. И ти го сакаш нејзиниот глас. Ти го знаеш нејзиниот глас подобро од неа. Тој глас те заспиваше и те смееше и смируваше кога беше под стрес. Тоа е најубавиот глас на целиот свет.

Можеш да легнеш на неа и да почувствуваш дека целото тело ти се загрева повторно. Твојата сè уште студена рака почнува да ја гали и поминува преку нејзиниот врат, случајно гребејќи ја. Глупава рака, надвор од контрола! Но, мама не се лути. Ја зема твојата луда рака и сè повторно се загрева. И тоа е најбогатото чувство на светот. Еве, во прегратките на мама, со твојата рака во нејзината. Дури и пелената веќе не ја чувствуваш толку ужасна.

Чувствуваш дека ти се тешки очите и знаеш дека сега сѐ е во ред бидејќи мама е таму. Твојата мајка. Твојата прекрасна, неверојатна мајка која секогаш се грижи за тебе. И дење и ноќе.

Ја гледаш уште еднаш пред да заспиеш. Таа изгледа уморно и нејзините очи се затворени, но сепак тоа е најпрекрасното нешто што го знаеш. Колку е неверојатно тоа што сака да биде тука со тебе во моментов. Колку е неверојатно да седи со тебе некое време кога ти е потребна.

Се смееш… Вистински благослов е што таа е твоја мајка. Најсовршената мајка што некој некогаш ја посакал. Веќе знаеше, уште пред да ја видиш, дека таа ќе биде најдоброто нешто на светот.

Извор