Развојот од една точка во стомакот до бебе е навистина неверојатен. Восхитуваат промените што се случуваат кај фетусот и брзината со која тој се развива, а експертите велат дека околу 14-тата недела од бременоста кај бебињата во матката се развива чувството за вкус.

Но, она што е уште позабавно е фактот дека бебињата не ги сакаат сите вкусови еднакво, тие всушност имаат желба за слатко. Бремените жени често имаат одредена желба за храна, а сè што мајката внесува стигнува до плодот преку плодовата вода.

Истражувањата покажале и дека ако мајката јаде многу моркови во бременоста, кога ќе се роди, бебето ќе сака моркови многу повеќе од децата чии мајки не ги јаделе додека биле бремени.

Научниците, исто така, истакнуваат дека бремените жени треба да јадат чоколадо бидејќи освен што бебето ужива во слатките вкусови, неколку коцки од ова задоволство придонесуваат за здравјето на крвните садови на бебето, што го потврдиле и истражувањата.

Чоколадото го намалува и ризикот од прееклампсија, опасна состојба која води до висок крвен притисок за време на бременоста.

Секако, тоа не треба да биде изговор за прејадување со чоколадо – доволни се неколку коцки дневно и секогаш избирајте поздрави чоколади.

Автор: Наташа Златковиќ

Извор